於日本有6間分店的廣島沾麵店風雲丸，最近登陸灣仔！
沾麵店採用和風設計，環境闊落，設有吧枱及卡位；店內的大漁船相當搶眼，牆上更有大幅色彩繽紛的畫作，畫有漁民、漁船和各式海產。
相比於不少交由麵廠製麵的沾麵店/拉麵店，風雲丸在製麵方面有誠意得多，特製成2.5mm粗的12號麵條很有彈性；食客還可自選較有嚼勁的冷麵或麥味較香的溫麵，另可自選分量，包括並盛（200克）、大盛（300克）、特盛（400克）及富士山盛 （800克，另加$45），滿足不同人的胃口。店內食品款式包括：
1. 豚骨魚介味玉沾麵（$93）
配有溏心蛋、叉燒及筍片，原味湯底突顯魚介的甘甜，濃稠的湯底幾掛麵；表面的一層油有助保持湯底的溫度，不過油膩感未必叫食得更清淡的港人接受。
2. 辛肉爆彈野菜豚骨魚介沾麵（$103）
愛嚐辣的話，可以一試辛肉爆彈野菜豚骨魚介沾麵（$103）。湯中的豬肉球混入辣椒粉及山椒，食落夠香辣又不失豚肉香，好味！其他湯底想轉辣，亦可追加「紅色爆彈」般的香辣豬肉球。
原汁原味地品嚐以外，還可以跟著3部曲進食沾麵：1) 於湯中加入適量檸檬汁，將濃郁味道沖淡，一減膩滯的口感；2) 食完麵後，建議在湯中加上魚介水，一嚐上湯；3) 大胃王發後更可追加香鬆飯（$20），煮成雜炊又有另一種風味。
3. 炸雞（$35起）
一共有4款口味，包括原味、辛口、沙律和燒汁，每份5件，配支啤酒同朋友一齊分享就至啱。
4. 米雪糕（$28）
食沾麵之餘，就得留肚食甜品！風雲丸供應日本直送的杯裝雪糕，當中的米雪糕最受歡迎，奶味突出，質感軟滑，中間更夾有軟熟米粒，值得一試。
活動資訊
- 地址 灣仔軒尼詩314-324號W Square地下B舖
- 開放時間星期日至四：11am-11pm／星期五、六及公眾假期前夕：11am-12:30am
- 電話3188-1472
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕1 Fun搶】大派自由鳥亞洲旅遊數據卡！↓
↓即下載登記！即賞U Fun！即時免費換走↓
↓【送禮】大派AIA嘉年華門票＋代幣200套！↓
↓ 免費入場！玩盡機動及攤位遊戲！↓
