正在閱讀
大圍冬菇亭新開親民價日本菜 魚生飯$35有交易!

大圍冬菇亭新開親民價日本菜 魚生飯$35有交易!

2017.07.18

冬菇亭向來給人的印象,都以供應港式小食和粉麵小炒居多;不過,大圍最近就有間食店一改「傳統」,於冬菇亭內開設日式料理餐廳,售賣價錢親民的日本菜。

位於大圍美林邨冬菇亭的壹級日本料理,店內設計簡約,保留冬菇亭原有設計,樓底極高,自然過透射環境夠光猛,但舒舒服服有冷氣歎。

店內食品款式頗多,由沙律小食、壽司刺身、串燒炸物,到魚生飯、拉麵及浜燒海鮮等都有供應,適合家庭或大班朋友聚餐。

午市時段,一碗魚生飯$35就有交易,加配小食也不超過$50,難怪開業短短一個月已吸引不少街坊幫襯。

【最新情報】日本梳乎厘班戟店FLIPPER’S 抵港 10大食品介紹

【最新情報】一田超市登陸將軍澳 5大人氣甜品+熊本熊進駐!

【最新情報】The One LINE FRIENDS主題商店街 6大影相位

價錢親民,食品質素又如何呢?睇睇6大人氣食品介紹:

1. 角切魚生飯($35;午市限定)

午市套餐中最吸引的,非這份角切魚生飯莫屬!魚生(如三文魚)切粒,拌入青瓜、雞蛋、蟹子等食材,用料不少,啖啖鮮味,$35一碗計相當抵食!

另可追加沙律、螺肉、餃子等小食,每份$8。

2. 藍鰭腩蓉海膽爆丼($288)

選用呑拿魚腩蓉部份,剁成蓉後口感幼細綿密,無筋,帶點點麻香,好味!

海膽則選用加拿大膽,肉厚身大片,入口順滑,但不算十分甘香。不過配搭三文魚子享肉,味道非常鮮甜,份量足,值得一食。

3. 浜燒海鮮(時價;約$328)

餐廳亦提供燒海鮮選擇,每日挑選時令海鮮,按款式收費,點餐前最好先向店員查詢。

當中原條魷魚筒厚肉味鮮,肉質彈牙,青口等急凍海鮮質素則平平。

4. 明太子手羽($48)

雞翼釀入明太子,蔥味頗濃,外脆內嫩,小心爆汁。

5. 黑豚肉串($18)

熱賣串燒之一,黑豚肉味較羶,不過質地未夠鬆化,略硬。

6. 牛舌串($38)

厚燒牛舌夠多汁,肉嫩彈牙,好味! 

 

【精選推介】Shake Shack 紐約連鎖漢堡店登陸香港!5大招牌

【精選推介】酒店甜品自助餐$98起 任食Häagen-Dazs雪糕

【精選推介】7月生日優惠晒冷!17個壽星仔女著數

【精選推介】憑7月票尾即減$15 百老匯院線限定優惠 

活動資訊