正在閱讀
青衣街市變身辣迷集中地!6檔掃匀辣魷魚、四川粉皮、口水雞

青衣街市變身辣迷集中地!6檔掃匀辣魷魚、四川粉皮、口水雞

2017.08.08

地區街市一向是臥虎藏龍的地方,熟食區更常有驚喜。

青衣長發街市的外圍,就正正有一條小食街,集合多達15間小食店,既是街坊開餐的集中地,亦是嚐辣者的覓食勝地。

短短一條美食街裡,就有多間主打各地香辣食品的小食店,睇睇以下精選!

1. 小食皇

由「走鬼檔」做起,小食皇招牌食品非辣醬撈車仔餸莫屬!

車仔餸有魷魚、螺肉、牛柏葉、腸仔等,每串由$4起,自選喜愛的食品後,老闆就會即時灼熟,蘸滿秘製醬汁並放入膠袋撈勻。

醬汁有辣有不辣,蒜味非常重;推介魷魚和牛柏葉,超爽口!

2. 百味坊

小食店供應多款四川食品,大部份食材和香港都由老闆親身到當地搜羅,口味地道。

必試小食店人氣最高的食品之一「黃金皮蛋」,金黃色的皮蛋晶瑩剔透,溏心部份軟滑黏口。

味道不帶一般皮蛋的嗆勁,加上秘製麻辣汁和貢菜,送拌麵一流。 

小食店另有供應鮮椒生腸和口水雞,前者製作很花功夫,把筋挑去口感特特別爽呢! 

【最新情報】

率先試旺角現泰國人氣芒果糯米飯刨冰!

觀塘超市新開玉子燒專門店 5款人氣食品率先睇!

長沙灣新開少女系粉紅Cafe 閨蜜聚會影相新選

3. 四川麻辣

同樣四川小食店,跟百味坊不同的是,這店主打川式涼麵。

這款涼皮(粉皮)以米漿加小麥粉製成,似腸粉般滑溜,但口感則較煙韌。

配搭辣汁和配料食用,辣中帶酸,幾醒胃,每份$28;同時可加手撕雞、豬腸、海帶等餸,每款$5。 

4. 泰COOL

講到辣,又怎少得泰國菜!

這店由泰國人坐鎮,招牌食品包括泰式撈起、生菜包、胡椒豬肚湯和海南雞飯。

愛酸辣的話,可一試腩肉冬蔭功湯粉;炸腩肉帶鹹香,湯底香茅味偏重。

----------------- 

食完一輪辣味十足的小食,要吃一點冰凍甜品解一解辣;同場加映兩檔人氣小食店,睇睇有什麼選擇! 

5. 八爪魚

小食店除了主打八爪魚丸,一系列雪糕甜品也很受街坊歡迎,尤其是小朋友!

雪糕波波口味多,有熱賣的D24榴連、豆腐、黑芝麻、朱古力等等,供脆筒裝/窩夫杯裝選擇,價錢親民,3球雪糕窩夫杯只需$30。

另有雪糕班戟,配搭冰凍酸甜的士多啤梨和朱古力醬,更可隨意加上脆脆和棉花糖等Toppings,一樣只售$30。

6. 食棧

小食街當中,這間食店最新駐場!

$12有三件自家製糕點,如綠豆糕、紅豆糕、芒果糕、馬豆糕,件件都震騰騰,口感軟滑。

選用韓國砂糖,偏清甜,豆和果肉亦頗多。當中比較特別的,要數這款彩虹糕;椰汁糕中加入顏色繽紛的啫喱,啫喱比起椰汁糕硬身,口感豐富。

除此以外,小食店亦帶來於美食展熱賣的海參花膠碗仔翅($25),用料足,不加味精,湯底比起一般碗仔翅鮮甜,可以試試。

【精選推介】

尖沙咀酒店宵夜自助餐 $200有找歎生蠔+炒海鮮

邊食邊遊長洲!10大掃街小食店推介 

8月生日優惠晒冷!18個壽星仔女著數

暑假好去處2017 10大卡通動畫展覽晒冷

活動資訊

評語

May Leung8936
May Leung8936 謝謝分享!
17/08/2017 11:32