正在閱讀
旺角夏季新口味街頭甜品 外熱內冷榴槤脆脆棒

旺角夏季新口味街頭甜品 外熱內冷榴槤脆脆棒

2017.08.27

每隔一段時間去掃街,都會有新品帶來的驚喜。

旺角早前就開設了一間泡芙脆棒店,開店數月人氣依然不減,新鮮出爐的脆條香氣召喚到到旺角掃街的人。

 

Smuki 的出品簡單,獨沽一味售賣泡芙脆棒,以酥皮焗成的杏仁脆棒外層金黃,每條都熱辣辣脹卜卜,內裡注滿冰凍奶餡,外熱內凍。

原味($20)以外,Smuki 最近還推出了季節限定的榴槤和士多啤梨口味,同樣受歡迎,一樣售$22/條。

榴槤奶脆棒榴槤味香甜濃郁,站在店前離遠都聞到香味,食完一條口腔還有陣陣回甘!

榴槤餡質地滑溜,期待小食店更換唧餡機器,唧出更挺身冰凍的內餡。

 

而士多啤梨餡的味道則像士多啤梨牛奶糖,酸甜奶香。

 

不過,杏仁泡芙脆棒的缺點是須即時食用,大個半小時泡芙就會變腍,而且失去外熱內凍的最佳口感。

【精選推介】

無敵維港大海景!$450包雙人房連早餐/交通/廚房

恐怖片迷立即save低!6套今年上映驚慄之作 

8月生日優惠晒冷!18個壽星仔女著數

暑假好去處2017 10大卡通動畫展覽晒冷

 

活動資訊