秋天除了是月餅的天下，最常食最時令的，當然是海鮮！
本地街市雖然不似外國水產市場般大，但貨品集中，而且會時不時引入偏冷門的海鮮，帶來驚喜。
位於小西灣的本灣市場出名多海產，由9月15日至10月8日期間，街市更會舉行海鮮祭，推出多項期間限定的優惠和活動，如$5一手抓蜆、$1起標食品拍賣、$1份活蝦等等，更可以場內即買即煮。
海鮮迷不妨湊熱鬧，不妨先參考場內6大亮點：
1. $1拍賣
街市首度舉行海鮮拍賣，拍賣貨品包括波士頓龍蝦、膏蟹等，以$1起標價拍賣，場內觀察，成交價平原價一半有多，相當抵買。
2. $1活蝦
街市每隔一段時間，更會有特價活蝦登場，$1隻，每次最多買6隻。數量有限，售完即止。
3. $5次任抓蜆
買海鮮，落「手」揀最過癮！場內魚檔推出了$5次任抓蜆的小遊戲，一手抓到幾多，就可帶走幾多，每人每次最多抓3次。
魚檔會提供手套，確保衛生。
花甲size不大，眼見場內街坊一手都抓都約10隻，相當抵買。
4. 即劏大龍躉
水產市場中，當然不少得即劏即切大魚的環節，小西灣水產市場亦不例外！街市海鮮祭期間，魚檔會即劏大龍躉，份量十足。
魚肉以外，店家另會推薦魚身其他刁鑽部位，如魚肝等，並建議烹煮方法，喜歡食魚的朋友不妨動手試煮。
5. 即買即煮即食
食海鮮最講求的，就是「鮮」，即買即煮即食最理想。
街市場內設有餐廳，提供海鮮加工服務；於指定魚檔（百里鮮）購買海產後，可帶到餐廳進行加工，加工費用按烹調方式而定，由$60起，海鮮祭期間更有7折。
小編推介凍食石蟹，菲律賓石蟹大隻，肉非常厚，先蒸熟後冰鎮，極之鮮甜；凍食一方面手工費最平，另一方面亦可以食到蟹的原汁原味，好味！
於場內玩完$5抓蜆，也可以帶到餐廳加工，以豉椒爆香最惹味。
啤酒送海鮮，加上懷舊味濃的紅公雞碗，很有地道風味！
6. 冷門海鮮哂冷
除了熱賣常見的海鮮以外，海鮮祭中，亦見到不少比較冷門的海鮮。
當中包括：肉質爽口的跳螺及肉厚的石蟹等等，海鮮迷會找到驚喜！
【精選推介】
活動資訊
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶】大派便利妥3合1檢測盒！↓
↓ 使用簡單快捷，一次檢驗3種病毒！↓
↓【限時搶】Super Sports Park入場門票！↓
↓ 全港最大的室內運動遊樂場！ / 超過20款運動設施！ ↓
