正在閱讀
相片變場景!自訂紀念日禮物 親手整夢幻變色小夜燈

相片變場景!自訂紀念日禮物 親手整夢幻變色小夜燈

2017.09.16

每逢節日來臨,不少人都要苦惱送甚麼禮物給另一半或好友,買一份覺得欠缺誠意,又想獨一無二有代表性的話,其實可以花點心思,親手整一份!由90後女店主獨自經營的網店慢覓陳皮,主打不同場景的故事小夜燈,除了訂製服務外,更有開設小夜燈工作坊,提供自訂燈內的故事場景和人物服務,客人可以將自己的相化身成燈內紙雕,只需3小時就可以親手製作夜燈,將自己值得紀念的場景停留,而且夜燈可以自由控制變色,效果相當夢幻,當禮物送給重要的人夠特別!

店主初時只將紙雕作為閑時興趣,慢慢將紙雕逐步製成立體,再加入LED變色後,發現效果受歡迎後,便開始手作工作。

店內的工作坊提供學整固定款式的小夜燈外,亦可學整自訂款式的小夜燈,不少客人都選擇將結婚相和畢業相等人生重要時刻紀錄在小夜燈上。但要留意,自訂款式的圖畫或人物太複雜,就有可能會影響透光度。

工作坊會預先為客人準備基本材料,包括已切割好的木盒、多層的紙雕圖案和膠片,再逐步教客人砌木盒,將多層的紙雕圖案貼成立體,再放入木盒內。

雖然製作過程看似簡單,但其實頗考耐性,因為沒有將紙雕對齊貼好的話,外形就會變歪影響外觀,想整得靚的話,就要花多少少耐心!

將紙雕放入木盒後,加入LED後就完成,只需要插上USB線就可以通電,非常方便。

每款夜燈的LED都提供16,可以透過遙控控制,變出順序轉色、漸變交替、閃燈模式、色系漸變和RGB三色轉變效果,想點變都得。

工作坊基本收費為每位$580,可另加$88將場景及人物轉換,另加$40提供刻字服務,但需預留約一星期訂製紙雕的時間。工作坊開班日期為星期六及日,每節3小時,每班約4至8人,暫時於10月份才會開班。如果想一班朋友一齊玩亦得,只要集齊基本開班人數4人或以上,即可與店主另約時間開班,日期及詳情可留意慢覓陳皮Facebook 專頁,或以Facebook Inbox或Whatsapp向店主查詢。

如果無時間參加工作坊的話,店內亦出售固定款式和提供訂購服務,客人選好圖案落單後約1 星期,店主會給客人提供初稿,雙方確認後便開始製作,3至4星期後就可以取貨。

愛麗絲夢遊仙境($450)及月球下的我們($450)都是店內受歡迎的固定款式。

店內亦有不時製作其他特別款式的夜燈,例如以哥哥張國榮電影中的經典造型為主題的夜燈($750),中國城夜總會($1980)及當舖大押($1980)的款式,亦充滿香港本土特色,另有富童話色彩的皮革飾物。

有興趣的話,下次送禮物不妨考慮親手整小夜燈!

圖片來源:FB@ Man Made Chan Pei 慢覓陳皮

Red MR推$30迷你K房!單身唱K脫毒好機會

油麻地$98任點任食火鍋放題 60款食物食足4.5小時 

閨蜜周末下午茶4大推介 $108歎朱古力甜品自助餐

9月生日免費優惠晒冷!13個壽星仔女著數   

活動資訊

  • 地點 慢覓陳皮Facebook 專頁:https://www.facebook.com/pg/manmadechanpei/about/?ref=page_internal
  • Whatsapp9014-9110