從元朗屏山起家的華嫂冰室，食品口味地道，加上時不時有名人好友如余文樂、鄧達智等加持，開業多年依然人氣高企。
繼大概兩年前衝出屏山，殺入觀塘開分店後，華嫂更將於灣仔開設第二分店，從此港、九、新界都會見到它的招牌冰室食品了。
華嫂灣仔店將由9月18日開始試業，9月底/10月頭正式開業；新分店的空間感較另外兩間強，座位亦較多，能同時容納更多堂食顧客。
食品方面，灣仔店將繼續供應多款招牌食物；除單點以外，灣仔新店還會供應套餐，惠顧單點食品，可以半價加配飲品，合計定價跟屏山和觀塘店差不多。
食品製法依舊跟足本店，由華嫂的3個兒子和熟手員工主理，退居幕後的華嫂亦會再落場幫忙。
番茄菠蘿包（$20）是華嫂最有名的招牌食品！烘至外脆內軟的菠蘿包中，夾着番茄和煎雞蛋，最後加片牛油即成；半熟雞蛋加上多汁的番茄，一邊食，一邊滴汁。
不過，未必每個幫襯華嫂的食客，都喜歡這個又鹹又甜的配搭。
想食麵包的話，不妨一試這款以往只於屏山店供應的Secret Menu — 鮮牛油砂糖豬仔包（$14）。
豬仔包烘至暖身，裡面夾着兩片冰凍牛油和砂糖，食落脆卜卜，簡單滋味，配搭簡單但深受熟客喜愛。
而麵食方面，除了有招牌雞翼豬扒番茄通（$50）外，還新出了黑松露忌廉湯底通粉（$38）；忌廉湯加入芝士打成，味道濃郁。
另外，負責人亦透露還有更多新食品於正式開業後登場，如海鮮三鮮麵和炸雞球等等，FANS 密切留意。
【精選推介】
活動資訊
- 地址 灣仔謝斐道272號杜誌台地下3-4號鋪
- 開放時間試業期間每日略有不同，留意華嫂冰室Facebook/Instagram更新（星期日休息）
- 電話2698-5599
」，
App內睇文同睇片可隨時捕捉U Fun彩蛋，
換領現金券及禮品！
【U Lifestyle聖誕寵粉企劃🎄】12月大激賞！
↓勁送超過3000份獎品！簡單兩步免費參加↓
↓【聖誕寵粉企劃】送Regal Club酒店客房20間！↓
