相信不少香港人都有聽過日本眼鏡品牌Zoff，日牌Zoff的眼鏡出名款式多之餘價錢亦十分親民，就算想配多幾副用來襯衫都不心痛，可惜Zoff一直在香港都未有分店，想配的話就只能去日本配。而早前曾經傳出好消息，指Zoff將會在香港開分店，現時粉絲終於等到啦！Zoff首間香港分店將會於今個星期六11月25日正式在太古城中心開幕，到時候更會有開幕活動及優惠，有興趣記得Mark實開幕日期啦！
Zoff店內所有眼鏡款式和日本同步，太陽眼鏡最平$280就有交易，而普通眼鏡連鏡片就$480起，非常抵買！
另外，香港Zoff分店同樣主打最快30分鐘拎眼鏡，只要顧客所選的眼鏡鏡片及鏡框有存貨的話，最快30分鐘就拎到，不過如果遇到過於繁忙的時間，等待眼鏡的時間可能就要延長至45分鐘至一個鐘，不過即日有得拎亦算方便！
27/12更新：
小編近日經過九龍灣德福廣場發現其中一間正在裝修的店舖外牆上寫上「Zoff Coming Soon」，經查詢後確實Zoff將會在九龍灣開設分店，不過確實日期未定，亦未知到時候會不會有開幕活動及優惠，有興趣記得留意最新消息～
【精選推介】
立刻訂閱Telegram優惠頻道：
港生活
U Lifestyle自家節目登錄《U TV》專區！
↓↓試玩、試食、試用影片任您睇↓↓
【立即參加】
↓ 港生活使用體驗問卷調查 ↓
評語