熱愛優質生活
首頁   \   港地方   \   銅鑼灣日式放題店 $288起歎磯燒海鮮+刺身+片皮鴨

銅鑼灣日式放題店 $288起歎磯燒海鮮+刺身+片皮鴨

2017.09.22
地點: 銅鑼灣廣場一期9樓    灣仔區
開放時間: 晚市放題供應時間及價錢: 星期一至四:5:30pm-8:30pm或8:45pm-11:15pm 成人$288、小童$168 星期五至日、公眾假期及前夕: 5:30pm-8:30pm或8:45pm-11:15pm 成人$308、小童$168 *另收加一服務費
訂座電話: 3188 8838

極尚大喜屋一向在眾多放題店中名列前茅,是不少人放題的首選!近月極尚大喜屋在銅鑼灣開設新分店,除了加入酒店式自助吧外,還推出磯燒海鮮任食!

新店裝潢較尖沙咀店奢華,座位寬敞舒適。
 
先睇睇重點推介磯燒海鮮:
 
燒爐每枱都有一個,可以隨意移動,燒完可以移去旁邊。
 
每枱按人數送上精選海鮮,記者試食當日就有扇貝、蟹、鮑魚及青口。 
 

 
得一份唔夠喉?仲有其他任點海鮮,有大蜆、海蝦及青口,款式少不過勝在夠新鮮;另外有菠蘿片可以自己燒。 
 
  
大蜆最為新鮮,燒前還有微動,絕不是死蜆。
 
海蝦大隻彈牙,相比下青口較為失色。
 
磯燒外,仲有其他熟食海鮮供應:
避風塘炒海皇蝦,微辣夠惹味,推薦!
 
  
焗廣島蠔熱辣辣最好食!不過沙律醬多較膩,記得不要點太多。
  
想知能否回本,當然要睇埋刺身及壽司!
刺身有11款,三文魚、油甘魚等切得厚身,夠新鮮;略嫌拖羅不夠肥美,但整體來說質素頗高。
 
  
壽司款式較為普通,有花之戀、炸蝦卷等;海贍軍艦鮮甜不苦,推薦!
 
  
 
特別推介原條海鰻壽司,大大條超滿足!
 
 
同樣供應放題中常見的燒物及炸物,芝麻雞翼、炸雞、羊鞍等,味道都不錯,不過記得趁熱食。
 
 
榴槤控必點!脆炸貓山王果味濃郁,一切開即聞到榴槤香氣。
 
最後睇埋酒店式自助區:
 
 
自助區款式不算多,不過在等待刺身到來前先食點熱食,也是不錯的選擇!
 
 
最特別的是有限時供應燒雞、燒豬及燒鴨,另外片皮鴨即叫即切,有驚喜!
 
美中不足是餅皮較乾,不過都可以止止癮!
 
有Mövenpick雪糕任食,用餐時間晚段會較多人排隊,想避開人龍不妨早點食!
 
 
 
飲品又有另一驚喜!除一般的汽水外,場內同時供應梅酒、清酒(冷/熱)、果茶及沙冰等飲品,梅酒易入喉,推薦大家試試。
 

極尚大喜屋

供應分店:銅鑼灣廣場一期9樓

晚市放題供應時間及價錢:

星期一至四:5:30pm-8:30pm或8:45pm-11:15pm 成人$288、小童$168

星期五至日、公眾假期及前夕: 5:30pm-8:30pm或8:45pm-11:15pm 成人$308、小童$168

*另收加一服務費

訂座電話:3188 8838 

內容評分
評語