| 地點: | Facebook 專頁：https://www.facebook.com/merrygoroundaccessories/?hc_ref=ARTLLo0HAqcnliYhIa9c_xtmtCLbEUq 觀塘區 |
| Whatsapp: | 6573-8057 |
情侶拍拖活動離不開行街、睇戲、食飯，久而久之都要搵新活動玩下，無新idea都唔怕，不如試下近年興玩的workshop，同另一半一齊親手整玻璃頸鍊！
毒守空房工作室有推出「情侶玻璃首飾工作坊」，可以一試由設計到玻璃切割及加工過程，造出專屬自己和對方的情侶頸鍊，無另一半都唔緊要，約閨密一齊去玩都得。
工作坊已包括所需的基本用具，客人可以自選玻璃顏色，每款都深淺不一，最多可揀3色作配搭。
製作開始前，可先構思想製作的圖形，形狀沒有太大限制，製作成似是富士山的梯形都可以。
之後就可以落筆起稿，畫出心水圖形，然後沿線將玻璃切割。
玻璃表面塗上膠水後，按喜好加上玻璃粉後，就可以進入燒玻璃的過程。
玻璃燒製完成後，雖然立即變身成圓滿的首飾吊墜，但仍需待加工過程才算完成，約上堂後一星期就有得拎，可以選擇郵寄及面交領取首飾。
玻璃首飾工作坊收費每位$200，每節一小時，最少2人起就可以開班，星期一至日不同時段都有得上堂，只要與店主夾岩時間就可以，報名詳情可以到 Toxic_room Instagram 專頁Inbox、Merry Go Round Accessories Facebook 專頁Inbox或Whatsapp 6573-8057向店主查詢。
