佐敦打邊爐新場　$108宵夜任食火鍋+自家配料+煙霧Mocktail

市面上價位親民的任食火鍋店為數不少，但一般座位較擠擁，或者是湯底/火鍋料沒有特色；佐敦最近就出現了一間火鍋新店，格局舒服，而且食品大多是自家製手工貨，一洗「任食火鍋」4字標籤著的頹氣。

蒲頭島位於佐敦莊士倫敦廣場，在裝潢上已經可見火鍋店走精緻、新穎的路線，座位間有足夠空間，適合三五知己飯局。

任食火鍋每日5pm開始供應，如果幫襯宵夜時段，湯底和火鍋料跟其他時段一樣，食足3.5小時連醬料費亦只需$108，幾划算。

湯底一共有10款，各有特色，如雜菌鍋、人蔘白玉鍋、花果茶酸辣鍋等，而小編個人就推介自家製香辣鍋和法式牛肉濃鍋湯底。

香辣鍋聞落嗆鼻，實質香麻味較突出，不算太辣，放豆腐吸湯汁一流；牛肉濃鍋則用於上多款蔬菜和牛骨髓去熬製，湯呈奶白色，非常鮮味，打邊爐前不妨先喝幾口。

至於火鍋料方面，食客一方面可到雪櫃挑選，其餘新鮮食材如牛肉、豬肉片、魚類等，則由侍應取出。

單計任食的火鍋料，款式已超過80款，當中包括迷你手打丸、牛肉餃、鬼馬蝦膠、蝦滑、蔬菜；牛肉也有不同部位供應，如牛脊和牛舌等。

特別推介鬼馬蝦膠，輕灼就食得，油炸鬼吸盡湯汁，而內裡的蝦膠則非常彈牙，好味！

還覺得選擇不夠，可再額外單點即炸魚皮等小食；每位食客更會隨機獲發一份創意火鍋料，如外型似馬卡龍的西米糕和菠菜紅腰豆墨魚滑等。

而飲品方面，每位食客不但可以在入座時獲得煙霧Mocktail一杯，汽水和紙包飲品都供任飲。

連奶蓋茶、生啤都有得供應，不過就需要額外加錢單點啦…

各時段時費：

5pm-7pm

成人$108/ 小童$90

7pm-9:30pm

成人$168/ 小童$140

9:30pm-11:30pm

成人$138/ 小童$120

11:30pm-3:30am

成人$98/ 小童$70

*另收醬料$10/位及加一服務費

*鴛鴦鍋須加$38

【精選推介】

沙田平歎韓國菜 $68任食炸雞+牛肋骨+甜品

10月生日優惠晒冷！15個免費自助餐/住宿/門票

500款Schedule Book 2018！搶先買迪士尼/Sanrio

外賣鐵板燒烤套餐！$200足不出戶歎靚牛海鮮