觀塘新開宵夜食街7大推介　香蕉煎餅/櫃桶腸粉/麻辣燙

香港人收工收得夜，食宵夜這個習慣普遍不過，不過並不是處處都有餐廳營業到深夜供應宵夜，而且食品款式亦未必夠百變。

觀塘秀茂坪最近就開了一條「深宵小食街」，夜歸的街坊之後想開餐，就有多些選擇啦！ 

食街位於寶達街市之內，營業到凌晨12時，連同街市內早一點關門的食肆，總數有10多間。小編率先潛入，驟眼看，小食的價錢定價都幾親民，宵夜$30-$40餐食到飽無難度。

即睇場內人氣檔7大推介：

1. 櫃桶腸粉

來自九龍灣街市的食好啲「櫃桶腸粉」進駐小食街，同樣以「櫃桶」蒸爐蒸腸粉。

製作過程中，會在鐵板上加上肉碎、蔥、雞蛋等，淋上米漿後入爐蒸熟。

腸粉比起平常食到的滑及更煙韌。 

想食得惹味點，可配上店內自家製的辣菜脯。  

2. 即包餃子

「皇后餃子」每日新鮮即場包餃子，有多款餡料：韭菜、芝士栗米、泡菜，以及最近熱爆的芫茜！

芫茜餃建議用放湯食，青澀甘味更突出。

所有味道餃子可選放湯/先蒸再煎/炸。

煎餃先蒸後煎，不算太脆；所有煎餃$10有3隻，可混合不同味道。

3. 香蕉煎餅

撈得店店主以春卷皮代替傳統泰式手搓薄餅，香蕉煎餅少了份煙韌的口感，但用春卷皮包起煎時反變成香脆外皮。

香脆的外皮中包入蛋和香蕉片，上碟時配煉奶，每份$20。

4. 麻辣燙

於腸粉店中同時有賣麻辣燙。

配料有常見的不同邊爐串，菜每串$5，其他由$8-12起，有豆腐串、蝦及牛丸等。

當中推介豆腐串，豆皮放入湯中非常索汁！

在街市外圍走一圈都未揀到，可走入內圍繼續揀！

5. 即叫即煮海鮮

各種生猛游水海鮮，選定後加錢加工煮熟，加工費由$10-150不等，視乎海鮮種類和大小。  

海鮮店連大大隻的原隻阿拉斯加長腳蟹都有，原隻蒸熟完全帶出原來的鮮甜味。 

平民一點的選擇有白灼基圍蝦、炒蜆、炒東風螺等。

6. 手撕雞

琪味手撕雞原隻手撕鹽焗雞賣$55、手撕麻醬雞$60。

除了手撕雞外，還有手拍青瓜、涼拌豬耳及牛展等。 

雙拼或三拼，$38就可以滿滿裝一盒！

7. 酸辣粉

與手撕雞同鋪的酸辣粉，有自家製的酸汁，配以煙韌彈牙的薯粉，酸辣粉粉絲必試！

對於食得辣的朋友來說，可能覺得不太辣，建議可在點餐時加辣。每碗賣$25。