講到日本浜燒，不期然會想起在海濱圍爐燒海鮮的情景；雖然香港也有不少以浜燒作為主打的日本菜餐廳，但一般都是樓上店，少了一份「沿海風味」或多或少有點失真。
香港海鮮集中地油塘鯉魚門，最近就有一間標榜充滿日本地道風味的浜燒店開幕。
水產浜燒店位於三家村渡輪碼頭旁，佔地3千多呎；餐廳以木材為裝潢的主要元素，天花板用上樹皮作裝飾，餐桌和凳也用上較矮的款式，甚有日本海邊燒烤店的感覺。
佔盡沿海優勢，餐廳旁有曬魚場；VIP房（最低消費$8000）中更有有小露台，天氣好時打開門窗一邊歎海鮮，一邊吹吹海風也不錯。
主打多款新鮮水產，石蠔、螺、魚等都均由日本直送，其他海產則來自世界各地，就例如本地浜燒店少見的紐西蘭原殼活青口等。
每枱配備小型燒烤爐，到水產區點選海鮮後，經由廚師清洗處理，就可以動手燒烤啦！
小編推介日本宮城蠔（$198/六隻），返貨時未開殼，保持新鮮。蠔大大隻，肉厚脹卜卜，燒至約7成熟後就食得。
燒蠔軟滑又多汁，鮮味十足；蠔本身的海水味不算十分重，不過燒熱後蠔汁精華濃縮，鹹度剛剛好，好味！
原殼活青口（$88/四隻）也頗有驚喜，比起坊間一般浜燒的雪藏貨，青口肉鮮甜很多。
另有活帆立貝（$98/隻）、活鮑魚（$88/隻）、馬刀貝（$118/六隻）等等；而海螺方面，也有榮螺選擇。榮螺肉厚，不過帶點甘苦味未必人人愛吃，喜歡的話可加入木魚湯汁或清酒去燒。
浜燒以外，一夜乾（時價）也是餐廳的主打之一。鮮魚從本灣送到，魚約16两重；先以鹽醃製，再在太陽底下吹和曬乾一天，鎖緊魚的鮮味。
小編當日食到馬友一夜乾，燒熟後魚皮金黃微焦，帶點香脆；魚肉油甘味香濃，肉質滑，值得一試。
新店亦有供應刺身、壽司、烏冬、魚生飯、水果甜品等，人均消費約$300-$500（視乎海鮮款式而定）；之後想去鯉魚門食海鮮，不一定要吃中菜了。
【精選推介】
活動資訊
- 地址 油塘鯉魚門崇信街三家村渡輪碼頭東翼
- 開放時間5:30pm-12:30am
- 電話2660-8798/5636-3797
」，
App內睇文同睇片可隨時捕捉U Fun彩蛋，
換領現金券及禮品！
↓↓【免費贏Rollink可摺疊行李箱或旅行Mini Bag】↓↓
↓ 立即分享旅行打卡靚相！↓
↓【社群送禮】贏走總值,000獎品！↓
↓ 立即分享打卡蛋糕相！↓
評語