身邊總有某幾個朋友去食日本菜時，說：「我唔食生嘢」。
日本菜食品款式百變，食海鮮也食得精妙，魚生以外還有很多熟食選擇，浜燒就是近年香港流行的食品之一。
荃灣近楊屋道街市最近就有間新店開幕，主打浜燒和廚師發辦食品；福丸水產店內有大魚缸、刺身櫃、放海鮮的冰盤，氣氛甚佳似一個迷你水產市場。
海鮮來自東京、沖繩、北海道不同的魚市場，空運到港。
浜燒有多款水產選擇，如蠔（$68）、鮑魚（$68）、帆立貝（時價）、榮螺（$168）等等，還有不少港人都愛吃的蟹膏甲羅燒（$68起），既供單點，亦有2-3人份量的盛盒（$428/四款海產）。
蠔和帆立貝味道尤其鮮甜，要食到它們的原汁原味，放上爐燒時加入一點清酒和海鮮汁避免燒乾即可。
帆立貝新鮮肉厚，裙邊爽口。
蟹膏甲羅燒則有3款，包括松葉蟹膏甲羅燒（$68）、海膽松葉蟹膏甲羅燒（$88）、黃金蟹膏甲羅燒（$88），愛吃蟹的話必試第一款。
蟹蓋上放有幼細的松葉蟹肉，加上蟹膏、飛魚子和鵪鶉蛋等，燒烤時拌勻所有食材燒至略為乾身，蟹膏的鹹香味非常濃郁，口感軟綿綿，值得一食！
浜燒以外，喜歡食蟹的朋友也可以把巨型的日本活毛蟹（時價）「一蟹4食」，分別嚐盡刺身、蟹肉天婦羅、燒蟹腳以及燒蟹蓋蟹膏。
毛蟹刺身味道香甜，不過蟹味比較清淡，宜蘸蟹醋帶出鮮味。
相比之下，熱食比較有驚喜！燒蟹腳啖啖肉，肉質彈牙。
燒蟹蓋則在蟹膏中加上蟹味噌，於火上拌勻燒至金黃就食得，香氣撲鼻；份量多，供3-4人享用亦可，上枱後不妨放在爐上一邊烘熱保持溫度，一邊慢慢享用。
其他人氣食品包括有：刺身拼盤（$488/八款）、 炸雞（$68）、豚肉鍋（$98）等等。
【精選推介】
活動資訊
- 人均消費$201 - $400
- 地點 荃灣川龍街118號百悅坊11樓全層
- 開放時間6pm-12am
- 電話2116-3776
立刻訂閱Telegram優惠頻道：
港生活
U Lifestyle App TV專區免費睇《著數慳家王》！
↓↓新品、減價優惠，教你慳家貼士↓↓
本週話題排行榜
評語