正在閱讀
旺角新開獨食版海鮮粥底火鍋 $198食勻即劏蟹/鮑魚/花甲!

旺角新開獨食版海鮮粥底火鍋 $198食勻即劏蟹/鮑魚/花甲!

2017.11.01

即將踏入初冬這個打邊爐的季節,出街食飯總會想起熱辣辣的火鍋。

要約齊一班朋友打邊爐,保證無人「甩底」並不是一件容易的事;與其等人齊,「火鍋癮」起不如去歎獨食版火鍋。

旺角最近新開了一間一人前海鮮火鍋專門店,這間「一鍋瘋」主打蔬菜粥底海鮮火鍋;以一人火鍋來說,價錢不算十分親民,每位盛惠$198,睇睇能否食回本!

火鍋粥底一共有4款之多,不似一般粥底火鍋店用白粥水,餐廳在熬至香滑的粥水中,加入4款不同的新鮮蔬菜汁,包括椰子、甘筍、粟米和紫番薯。

當中不加任何調味料,連油、鹽、糖都無,聞落味道香甜清新,嗒落則頗清淡。

前菜有開胃沙律。

火鍋料每位計,可以食勻肉類、丸類、海鮮和蔬菜,已包含蔥蒜等醬料。

裝食品的木桶裝得滿滿,內有黑豚肉、餃子、豬肉太、蟹子丸和3款蔬菜等。 

而海鮮方面,每位均可食到蟹(半隻)、蝦、貴妃蚌、鮑魚、花甲和沙白共6款(或會按來貨供應量而調整),店內廚房自設大魚缸,即劏即食。

可按座位上印有的時間指示灼熟海鮮,蜆類約煮2-3分鐘就食得;絕大部份都新鮮開口,而且無沙。

貴妃蚌和花甲尤其肉厚鮮甜。

鮑魚爽甜,不過小編幫襯當日的鮑魚偏細隻。

蝦肉彈牙多膏,最後放入蟹煮熟,粥底集合海鮮的精華,非常鮮甜。

二人同行建議選擇一煲海底椰椰子粥底,一煲甘筍南瓜粥底,前者灼肉,後者煮海鮮,味道比較夾。

食完所有火鍋料,還可以放入芋頭粒、南瓜粒、軟米飯去煮粥,又香又綿。

飲品需要另外收費,有菊花茶和竹蔗茅根等清熱飲品,細支裝$28,大支裝$48。 

食品質素不俗(特別是海鮮),但跟該區同類型的餐廳比較,$198/位收費略貴,如果套餐加入免費飲品和甜品,相信會更加吸引。

【精選推介】 

11月生日優惠晒冷!16個免費自助餐/住宿/戲飛

$280浸日式溫泉!1萬呎露天酒吧望無敵海景

榴槤放題11月中回歸 1.5小時任食貓山王+山頂XO

尖沙咀全新270度維港觀景台 $100包酒/小食/美妝

活動資訊