正在閱讀
紅磡有得食!地道錫紙貝殼粉絲湯汁超鮮甜

紅磡有得食!地道錫紙貝殼粉絲湯汁超鮮甜

2017.11.05

紅磡小食店林立,今次介紹的小店「鮮蒲」開業不久,主打香港較罕見的錫紙包海鮮粉絲;以錫紙包裹著新鮮海產和粉絲,保留所有精華,值得一試!

錫紙貝殼粉絲($52)加入木耳、茶樹菇、生菜等配料,以蠔油、醋、蒜、糖、薑絲、生抽及自家製醬料調味。

貝殻類海產方面,特別選用沙白;沙白大粒鮮甜,比起蜆一般較少藏沙,每份有7-10隻。

錫紙包內的湯汁鮮味十足,綠豆粉絲亦吸盡所有配料的精華,非常入味。辣度也可以自行挑選,食客亦可加按喜好追加不同配料,如金菇、墨汁花枝丸、蝦米魚皮餃、香蔥魚棗、腐皮角等。

店內另一招牌是津市牛肉粉($52),選用牛坑腩,經過灼熟、香料炒香、慢燉等重重工序。

牛腩軟腍,非常入味,牛羶味濃郁。麵底可選河源米粉,外表類似米線,但比米線更有彈性和煙韌。

 

涼拌小菜亦有7款可供選擇,有素有葷。

 

脆口蓮藕($26)大大片,非常爽脆;彈牙牛柏葉($28)味道酸辣,作開胃菜就最適合;惹味豬肚絲($28)亦算爽口,麻辣感十足,非常入味;醉凍雞翼($28/4隻|$32/6隻)肉質嫩滑,但略嫌未夠入味。

飯後甜品方面,有新推出的原隻濃濃椰皇釀啫喱($35/個|$60/2個),新鮮原個椰皇內加入啫喱。

啫喱以新鮮椰皇水製成,清新香甜,食完香辣的小食食個椰皇清新解膩。

 
 
【精選推介】 

榴槤放題11月中回歸 1.5小時任食貓山王+山頂XO

尖沙咀全新270度維港觀景台 $100包酒/小食/美妝 

活動資訊

  • 地點 紅磡祟志街29號地下
  • 開放時間11am-10pm
  • 電話5703-8798

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠