正在閱讀
觀塘$98起超值午市半自助餐 歎齊鵝肝醬+生蠔+主菜

觀塘$98起超值午市半自助餐 歎齊鵝肝醬+生蠔+主菜

2017.11.23

打工仔食午餐唔一定要食茶記先抵食,觀塘就有餐廳推出半自助午餐,除主菜外及自助沙律吧外,還附有頭盤,可以食到招牌生蠔,相當抵食!

Season Plus推出$98起午市套餐,以半自助餐形式,客人自選一款主菜連飲品,任食沙律吧食品,回本重點當然是午餐中包含的頭盤,可以選生蠔或海鮮拼盤。 

 

客人可以任食自助沙律吧食品,大路款式火箭菜、cold cut、薯仔沙律生果等都俱全,味道不過不失。

  

 

特別推介鵝肝醬,十分濃滑,配梳打餅一流。

頭盤有兩款選擇,最吸引的當然是生蠔(4隻),雖然唔算大隻,不過食落都好肥美,海水味不重。

精選海鮮盤份量比想像中多,螺肉爽甜,蝦偏腍但算新鮮,青口味道則較淡。

 

 

主菜牛油蒜片海鮮意粉($98)份量夠哂多,牛油香味十足,略嫌太乾,攤涼後口感不太好。

 

威爾斯羊仔架配新薯($168),有三件羊架,每件都好厚身,帶微微羶味。

  

另設多款午市定食套餐,同樣附送任食沙律吧、日式麵鼓湯及飲品一杯,日本鰻魚飯定食($98)40cm長,雖然唔算厚肉,不過夠大條,上碟時熱辣辣,鰻魚汁味道香濃,滿足到一班鰻魚迷。

 

日本珍寶帶子刺身飯定食($98),有6粒帶子加滿滿的蟹籽,相當吸引。

 

餐廳另收加一服務費,午餐時段有3小時,如果唔趕時間,11點30分入座就可以坐足3小時喇! 

【精選推介】 

11月生日優惠晒冷!16個免費自助餐/住宿/戲飛

$280浸日式溫泉!1萬呎露天酒吧望無敵海景

榴槤放題11月中回歸 1.5小時任食貓山王+山頂XO

尖沙咀全新270度維港觀景台 $100包酒/小食/美妝  

 

活動資訊