熱愛優質生活

大埔韓燒店新推放題 任食海鮮/靚牛/羊架+任飲啤酒汽水

2017.11.24
地點: 大埔舊墟直街4-20號美新大廈地下B2舖      大埔區
開放時間: 17:00-02:00
電話: 35655032

韓風熱潮還未退減,與朋友聚會韓食仍然是人氣之選。大埔有韓燒店就推出全新放題優惠,唔使就住荷包叫菜,都一樣食到有質素的韓燒。

 

 

Oppa韓國燒肉店在旺角及大埔都有分店,不過就只有大埔店推出放題優惠。 

 

放題套餐分為兩款,分別是弘大燒肉放題及江南海鮮燒肉放題,限時兩小時。兩份套餐都會先送上精選肉類做頭盤,包括A4黑毛和牛肩肉、A4和牛三角腩、澳洲和牛脷及封門柳等,共有十款。如果選擇江南海鮮燒肉放題,則可以免費追加以上肉類,相當抵食!

 

特別推薦封門柳,肉味極濃,肉質不嚡不韌但有口感,高質!

 澳洲和牛脷夠肥美,如果可以厚切更好。

 

西班牙五花肉肥瘦相間,燒到金黃色,迫出油分之餘還帶點香脆。 

韓燒中較少見到的羊架都可以任食(江南海鮮燒肉放題), 羊架厚身微羶,水準不俗。

最驚喜的是燒豬皮,完全不韌,輕嚼已溶化在口中,黏黏的口感,充滿骨膠原! 

 

 

江南海鮮燒肉放題會另外送上海鮮拼盤,有可追加的虎蝦、魷魚及八爪魚,另外只送一次的就有鮑魚、帶子或其他是日海鮮。

 

 

 

 可以任添爐邊蛋~

 

 熟食方面選擇亦不少,餐廳推薦的人氣餐點有牛骨雪濃湯、蔘雞湯、四色冷麵及真露煮蜆等。

牛骨雪濃湯十分濃味,牛肉大大塊好足料。 

 

 

真露煮蜆內有數十隻蜆及豬大腸,豬大腸煮得軟腍,酒味不重。 

 

蔘雞湯有原隻糯米釀雞, 湯底清甜帶人蔘味,冬天暖暖胃是不錯的選擇。

 

四色冷麵以湯底整成冰塊,令冷麵可保持冰凍外,融冰後味道亦不致變淡。 

 

 牛肉石鍋拌飯熱辣辣,配菜及醬料充足,如果整體份量可以少一點就更好。

 

炸雞外脆內嫩, 不過唔太似韓式炸雞。

 

 惠顧江南海鮮燒肉放題可以免費任飲汽水/韓式飲品/啤酒/紅白酒,手工啤酒就半價~大家記得食埋甜品先走,不過每人就只有一款,可選Dreyer's雪條,Häagen-Dazs或Mövenpick。

 

價錢:

 江南海鮮燒肉放題

星期一至四: 成人$368 

星期五至日、公眾假期及公眾假期前夕: 成人:398 

弘大燒肉放題 

星期一至四: 成人$238

星期五至日、公眾假期及公眾假期前夕: 成人:$268

小童(90cm以上及140cm以下)/持長者卡半價

2-4位放題限時120分鐘

5位或以上放題限時150分鐘 

另收加一服務費 

 

【精選推介】 

11月生日優惠晒冷!16個免費自助餐/住宿/戲飛

$280浸日式溫泉!1萬呎露天酒吧望無敵海景

榴槤放題11月中回歸 1.5小時任食貓山王+山頂XO

尖沙咀全新270度維港觀景台 $100包酒/小食/美妝 

內容評分
評語