自選冬日雪景！窩心聖誕禮物 親手整限定雪花水晶球小夜燈

踏入充滿寒意的12月，不少冬日飄雪活動和聖誕佈置都已開始，距離聖誕節又近一大步的各位，又揀好禮物送給閨密/另一半未呢？未有心水的話，不如親手整一份應節禮物哄對方開心！

主打故事小夜燈的網店慢覓陳皮，最近特別為聖誕推出節日限定水晶球小夜燈，同時提供訂製和工作坊。參加工作坊的客人可以自選聖誕圖案，拼砌冬日場景和不同顏色的雪花邊框，而且內層可以加入粉末，令冬日場照造出飄雪效果。夜燈帶有童話般的夢幻感，亦很有節日氣氛，當聖誕禮物送給朋友或哄另一半都夠窩心！

每個小夜燈都由兩個水晶球組成，重疊在一起時畫面豐富，其中一邊可以有飄雪效果，效果夢幻！

工作坊包括製作所需的材料和工具，可選擇的場景圖案和邊框的款式很多，店主開始前會先作解說，並提供約半小時給大家構思。

花多眼亂的話，店主都有小貼士提供，一個水間球的邊框最好由4種顏色配搭，太多就會亂影響觀感，所以切忌太貪心放過多顏色啦！

每個水晶球以5層的玻璃組成，確定好構圖後，就可以分開逐層貼上圖案、邊框和玻璃。

看似簡單，但其實都要相當細心，因為要邊貼邊對位，確認圖案的位置，因為圖案太重疊都會影響外觀和透光。

其中一個水晶球在接近完成時，可以加入粉末，造出下雪場景。

完成後的水晶球小夜燈，放在椴木LED燈座，插上USB線即可通電，當家居小擺設都得！

如果無時間參加工作坊亦可以訂購，成功預訂的一星期後可以取貨，但由於是聖誕限定款式的關係，在12月17日前就會截止訂購，有興趣就要盡快下單！

水晶球小夜燈工作坊每位收費為$560，每班約7人，曾報慢覓陳皮工作坊或二人同行更可享9折優惠。訂購價為每個$420，可加$60在木燈座上雕刻句子或刻名。由於節日限定推出的關係，工作坊暫時推出以下時間及地點開班：

日期: 12月10日

時間: 2:30-5:00PM

地點: 旺角 - 上物

日期: 12月16日

時間: 4:00-7:00PM

地點: 中環 - 藝穗會

日期: 12月17日

時間: 2:30-5:00PM

地點: 旺角 - 上物

另可聯絡店主約時間開班，詳情可以Facebook Inbox 慢覓陳皮專頁或WhatsApp 9014-9110向店主查詢。

12月生日優惠晒冷！13個免費自助餐/住宿/門票戲飛

全港商場聖誕佈置+卡通晒冷！逾100個影相位/花海

九龍灣Peppa Pig聖誕城堡 15呎音樂噴泉+期間限定店

淺水灣新開飄雪水晶波波屋 近萬呎海景場歎下午茶