熱愛優質生活

$10碗抵食黑糖芋圓涼粉 荔枝角親民價外賣糖水店 

2017.12.15
地點: 荔枝角青山道475A號地下A舖  
開放時間: 星期一至六10:00-20:00 星期日及公眾假期休息
電話: 55929088

天氣轉涼,行街凍冰冰最適合食番碗暖笠笠糖水滋潤一下。荔枝角「王孖記果子」最近推出優惠,指定時段黑糖芋圓涼粉只售$10一碗,貼地親民價吸引不少街坊捧場!

芋圓/蕃薯圓/紫心蕃薯圓由老闆每日親手搓,即叫即煮,建議一小時內食用,不過預備需時,下午一時後才會正式開售。

食落有少少蕃薯粒/芋頭粒,增加口感。蕃薯圓最為煙韌彈牙,芋圓質感較實,不過味道就最突出。

王孖記.黑糖涼粉芋圓(正價$18 下午2時後$10),優惠價好抵食,每人限買一碗,涼粉滑溜爽口,芋圓/蕃薯圓/紫心蕃薯圓各有4粒,可選熱/凍當下午茶一流。

楊枝甘露芋圓 ($28)味道偏酸,有少量芒果及西柚果肉,凍食頗為開胃,飯後食都唔怕滯。

桃膠雪耳雪梨糖水芋圓($28)夠哂滋潤,天氣涼涼地建議熱食,桃膠數量不少,滑捋捋似燕窩。

內容評分
評語