正在閱讀
連鎖米線店有得食!人均$84食滋補花膠雞鍋

連鎖米線店有得食!人均$84食滋補花膠雞鍋

2017.12.18

最近香港吹起兩派火鍋熱潮,一款是惹味麻辣鍋,而另一款則是滋補的養生鍋,其中以養顏花膠雞鍋最為人熟識。

就連連鎖米線店「米線陣」都加入陣營,由12月初起在大部份分店供應「姬松茸養生花膠雞鍋」,人均$84就食到,價位親民,味道又如何?等小編潛入實測試食一下!

姬松茸養生花膠雞鍋供兩位用,只限晚市供應,套餐$168連兩杯飲品。(米線可加錢轉紅薯粉/公仔麵/烏冬)

火鍋料方面有13款,比起一般快餐店算頗多,當中包括主角花膠、雞件、肥牛、手打豬肉丸,食肉獸啱食!

亦有蔬菜如姫菇、白玉菇、雲耳和雪耳等等,聽落都覺得養顏滋補。

湯底內有紅棗等中藥材,但容易入口,而且愈滾愈甜兼且味道滋補。

主角花膠仔有4件,吸湯汁後口感更加軟滑,不過就較為薄身;雞件皮滑肉嫩,不過略嫌帶點碎骨,叫人吃得不太暢快。

肥牛中規中矩,反而手打豬肉丸頗有驚喜,內含馬蹄很爽口。

蔬菜方面,爽滑吸湯的雲耳和雪耳與滋補的雞鍋最夾!

加上每位一份的米線,份量足夠兩位享用,大食王想加料亦可,每款追加火鍋料$6-$20不等。

供應分店:

銅鑼灣翡翠明珠廣場 1 5A 5C 號舖

尖沙咀加拿芬廣場地庫

觀塘鱷魚恤中心 1 8 號舖

大埔翠屏花園地下 7 號舖

東涌東堤灣畔商場地下 16 號舖

將軍澳新都城中心二期商場 UG008 號舖

樂富廣場 1 1112 號舖

天水圍銀座置富嘉湖二期地下 G02 號舖

屯門卓爾廣場 3 316 號舖

【精選推介】 

12月生日優惠晒冷!13個免費自助餐/住宿/門票戲飛

全港商場聖誕佈置+卡通晒冷!逾100個影相位/花海

九龍灣Peppa Pig聖誕城堡 15呎音樂噴泉+期間限定店

淺水灣新開飄雪水晶波波屋 近萬呎海景場歎下午茶

活動資訊

  • 人均消費$51 - $100
  • 地點 米線陣指定分店,詳見內文地址
  • 開放時間6pm後晚市供應

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠