深井人氣燒鵝殺入尖沙咀開副線　肥美燒鵝髀皮脆肉香！

講起深井，相信不少人的即時反應就會聯想到「裕記燒鵝」，聽就聽得多，又有幾多人專誠走過入深井食燒鵝？

不用山長水遠入深井，裕記燒鵝最近開設年輕化的新副線，降落尖沙咀取名「裕．鵝莊」！

新店位於尖沙咀亞士厘道，餐廳有2千多呎，設80個座位；不似一般傳統中菜館只設方枱和大圓枱，店內有不少卡座位，適合後生一族與三五知己聚餐。

新店由80後兄弟打理，上一代老闆（爸爸媽媽）也有駐場，監督食品品質，老師傅也於店內坐鎮。

食品方面，餐廳當然也有供應裕記的招牌菜—燒鵝。

製作方法跟足總店，選用約90日大（重9.5斤）的自家養鵝，醃製連入爐燒需時約1-2日，很花功夫。

燒鵝可原隻上，也有半隻/例牌/下庄選擇。

一份例牌燒鵝可供2-3人享用，餐廳會隨機供應上庄（鵝胸）或下庄（鵝髀）。

鵝胸的肉質會比較結實，脂肪較少，肉味濃郁；而鵝髀則較為肥美，脂肪經明火燒製後逼出油份，皮脆而且味道較為甘香。

小知識：天氣冷時，鵝會跟人一樣會縮起身體，肉質更緊緻，所以於冬天食燒鵝特別好食！

燒鵝以外，裕．鵝莊的餐牌上亦加入不少總店的傳統菜，如椒鹽鮮魷。

選用新鮮魷魚，肉質彈牙，跟燒鵝一樣送酒一流。

新推出的菜式就有懷舊炸鮮奶（$78）和甜薯黑椒安格斯牛粒（$138），前者選用北海道3.6牛乳製作，奶羶味更加突出；而後者則用上日本甜番薯代替薯仔，釋放出天然甜蜜味道。

餐廳連冬天必食的生炒糯米飯都有提供，蝦米的甘香令糯米飯加分不少，值得一試！

【精選推介】 

12月生日優惠晒冷！13個免費自助餐/住宿/門票戲飛

全港商場聖誕佈置+卡通晒冷！逾100個影相位/花海

九龍灣Peppa Pig聖誕城堡 15呎音樂噴泉+期間限定店

淺水灣新開飄雪水晶波波屋 近萬呎海景場歎下午茶