正在閱讀
厚福街新開外賣茶飲店 小芋圓芋頭鮮奶配烤麻糬小食!

厚福街新開外賣茶飲店 小芋圓芋頭鮮奶配烤麻糬小食!

2018.01.02

尖沙咀厚福街出名多美食,不斷有新食店加入;主打特色茶飲的「茶理史」於2017年年底開業,主打鮮乳小芋圓、無糖冷泡茶及幾款小食。

必試招牌即製飲品「芋香鮮乳小芋圓($26)」,以小芋圓、芋頭肉、牛奶做出漸層效果,牛乳甜度恰到好處,與芋頭肉相當匹配,飲落陣陣芋香兼有口感。

特別一提,自家製小芋圓大小似普通珍珠,內包芋頭肉,尚算煙韌。即使飲品放置一段時間,小芋圓依然彈牙不軟爛。

鮮乳小芋圓系列另有不同口味,包括士多啤梨、木瓜、蜜瓜、朱古力等,各口味均有冷、熱飲選擇。

店內還有售賣數款茶食,其中「日式沖繩烤麻糬($15)」有抹茶、黑糖、可可和煉乳4種口味。

麻糬烤得酥脆,咬落不黏牙;經典煉乳味甜度足夠,配茶一流!

即製沖調飲品以外,樽裝冷泡茶選擇,最大特點是「無糖」,其中「蘭貴人鳥龍($20)」最受歡迎,清香回甘。

冷泡茶放進雪櫃仍然可以儲存1至2日。

由於店舖僅試業十數天,營業時間仍未固定,下午2點後去較穩陣。另外店舖暫時未有外賣電話,稍後會在社交平台公布,有意訂外賣飲品,記得留意啦!

【精選推介】 

12月生日優惠晒冷!13個免費自助餐/住宿/門票戲飛

全港商場聖誕佈置+卡通晒冷!逾100個影相位/花海

九龍灣Peppa Pig聖誕城堡 15呎音樂噴泉+期間限定店

淺水灣新開飄雪水晶波波屋 近萬呎海景場歎下午茶

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠