20新專櫃進駐太古誠品 一站式造型服務/糖水舖/中醫

不經不覺誠品太古分店已經開幕2週年，除了慶祝活動之外，誠品生活早前進行優化的全新空間亦正式登場，該區設立了英文館，亦引入了近20個新品牌專櫃，有食店、糖水舖、工作坊、精品店等等，另外就連一站式造型服務及中醫門診服務都有，率先睇睇有咩新體驗啦～

新食店：

杏香園甜品店

每日人手磨杏仁茶、合桃糊，王牌杏仁茶香滑濃郁，另外仲可以自行配搭糖水配料，特別推介凍杏仁茶加龍眼，味道口感清新，甜品店除了中式甜品之外亦有木槺布甸等。

九湯屋拉麵

每日使用十斤大骨熬製豬骨湯，湯底濃郁，拉麵彈牙有口感。

台灣ET鹽水雞

針對香港市場需求，鹽水雞主打低熱量、健康，亦加入青菜、水果、冷麵等。

Hotel Chocolat

朱古力以高可可、低甜作賣點，比起一般朱古力更健康，亦不會太甜膩。

個人護理店：

一站式造型設計服務THE ELEPHANT

提供髮型、美甲、化妝、頭皮護理等造型設計服務，不過想體驗的最好預早3日預約。

怡健堂中醫

以調理身體、養生為主，提供中醫門診服務，亦出售保健產品及涼茶。

張梁記

專賣男士用品如髮膠，特別引入髮油髮膠可以打造持久復古油頭造型。

精品店：

九鳥蛙古董店

專賣古董珍品，大部分古董只有一件，設計獨特優雅～

工作坊：

Ibility

提供各式各樣工作坊讓大家可以自製皮革、壓花等等。

香港童窯陶瓷設計工作室

提供陶瓷工作坊以及出售各設計師的陶瓷作品。

誠品太古分店英文館

另外，1月6日當日在書店購買任何2件商品就有8折優惠，約埋朋友去行下啦～

【精選推介】 

12月生日優惠晒冷！13個免費自助餐/住宿/門票戲飛

全港商場聖誕佈置+卡通晒冷！逾100個影相位/花海

九龍灣Peppa Pig聖誕城堡 15呎音樂噴泉+期間限定店

淺水灣新開飄雪水晶波波屋 近萬呎海景場歎下午茶