熱愛優質生活

亞洲首部LEGO Mosaic Maker登港 即影即有黑白肖像積木!

地點: 尖沙咀海運大廈玩具"反"斗城    油尖旺區

早前在英國LEGO旗艦店推出的LEGO® Mosaic Maker終於到港!亞洲首部LEGO Mosaic Make,在1月4日起將會現身於尖沙咀海運大廈玩具"反"斗城內,只要於網上購買LEGO® 馬賽克啟動咭再完成登記預約就有得玩!頭200位顧客更可獲贈附有特別編碼限量版的Toys”R”Us x LEGO® YOU BUILD YOU証書。

 

小編就帶大家睇睇試玩,先觸碰屏幕開始後,將LEGO® 馬賽克啟動咭放在感應器上。

 

調好角度就可以開始拍照,每人有三次拍攝機會,要好好把握!

 

選好照片後就可以選擇肖像的陰影深淺,另可以輸入電郵地址將相片傳到電郵。

 

完成後只要等大約一分鐘,就會有一張黑白馬賽克肖像模及一盒LEGO®積木,等待期間仲有小動畫睇添!

 

盒內五色積木及底板,可以跟著肖像模慢慢砌出屬於自己的黑白肖像積木。


想玩就要留意,由1月5日起就有得玩,暫時官方表示未來半年都有得玩,但要預先在玩具"反"斗城網站購買價值$1299.9LEGO® 馬賽克啟動咭,再到網上預約體驗LEGO®即影即有馬賽克製作機方可,而且只可預約未來一個月的時間。

【精選推介】 

12月生日優惠晒冷!13個免費自助餐/住宿/門票戲飛

全港商場聖誕佈置+卡通晒冷!逾100個影相位/花海

九龍灣Peppa Pig聖誕城堡 15呎音樂噴泉+期間限定店

淺水灣新開飄雪水晶波波屋 近萬呎海景場歎下午茶

內容評分
評語