觀塘平價歎西餐　任食牛扒/沙律/甜品/指定肉食

 食肉獸之選！觀塘餐廳Give Me 5推出任食優惠，款式包括牛扒、自助沙律吧、一款指定肉類主食及甜品，相當豐富。

店內裝潢舒適寬敞，令客人可以有私人空間，適合朋友聚餐談心。

任食牛扒並不是一般扒房菜式，而是酒店式燒牛肉。原條即切澳洲穀飼牛好巨型，客人可要求牛扒厚度，配上洋蔥汁或黑椒汁都幾惹味。牛扒呈粉紅色，約5-6成熟，中心位置肉質會較嫩，但牛味不太突出。想食全熟的客人不妨提出，餐廳亦樂意為大家煎熟。

自助沙律吧選擇不算多，但基本款都齊全，番茄、青瓜、蛋沙律等質素不錯。

每天提供不同的餐湯，味道一般，不過蒜蓉包都可以任食，配在一起有加分。 

每晚約有十款甜品任食，小編試食當晚有芝士蛋糕、啫喱、Tiramisu等，芝士蛋糕鬆軟味濃有驚喜！

除此之外，店內每星期另配一款指定菜式可以任食。

德國咸豬手皮脆肉厚，香口惹味配酒最啱，高質超值！

法國黃香雞未食已聞到香味，雞皮薄脆，雞肉不怕嚡口，肉味夠濃。

美式燒排骨就較為遜色，不太入味。

紐西蘭有骨羊髀，肉質細嫩，羊羶味不重。

任食套餐包一杯咖啡或茶，另加$50可任飲紅/白酒/咖啡或茶。

店家推出優惠，凡有like或分享其facebook/instagram顧客，獲贈一杯檸檬碟豆花茶。

六人同行like或分享其facebook/instagram，更會送一打生蠔。

任食牛扒套餐

供應日子：星期一至三及六

供應時間：18：00－21：45 （入座計2小時）

收費：5歲以下免費，小童（6－12歲） ＄168＋10％  成人＄218＋10％