正在閱讀
新蒲崗抵食海鮮船 $238食勻四人份量蟹/鮑魚/大蜆

新蒲崗抵食海鮮船 $238食勻四人份量蟹/鮑魚/大蜆

2018.01.25

新蒲崗作為香港舊工業區,舊樓工廈固然多,原來亦有不少抵食餐廳。

玫瑰餐廳陳儀興在工廈地下,晚市主打鑊氣小炒及粵式手工火鍋,其中「玫瑰海鮮船」包含至少5款時令海鮮,全部由老闆當日親自到街市採購,保證新鮮。

四人份量玫瑰海鮮船 (原價$368/提早一天預訂$238)食材天天不同,主要視乎當日街市行情。

當中大蜆厚肉鮮甜、大連鮑魚仔又爽又滑,還有珍珠蜆、海蝦、肉蟹或元貝等。

湯底是以蝦頭熬製的蝦湯,加入了南瓜、蕃茄、粟米、洋葱以及唐芹,蔬果的清爽更加凸顯海鮮的鮮甜味,清澈唔肥膩,唔怕食到口乾又飽滯。

每鍋海鮮鍋會免費獲贈一碟油炸鬼,油炸鬼炸至乾身,特別香脆,吸湯一流。

鬼馬墨魚滑 ($88 / 8件),有即叫即炸的油炸鬼,配上鮮香彈牙的墨魚滑,口感有層次。

 

拉芝丸 ($98/8件)由老闆自行研發,混合了Mozzarella、Cheddar及墨魚滑而成,芝士味濃郁,不過就做唔到拉絲效果。

自家製韭菜餃及鮮蝦雲吞 (單拼$42,雙拼加$5),每天自家鮮製,即叫即包,雲吞啖啖蝦肉,十分足料。

花膠 ($48 / 三両),較為厚身,質感爽口,既滋味又可養顏,女生可以一試。

手切本地肥牛 (大$218,細$148),牛味十足,適合一眾食肉獸。

餐廳蔬菜類配料只需$18,小編就建議4位食完海鮮船後,再叫兩碟菜,除開每人唔使$70就夠飽。食肉獸可以加配羊卷肉($60)、西班牙豚肉($88)、牛爽肉($68)等,計番每人都係百多元有交易,相當抵食!

活動資訊