正在閱讀
朋友聚會之選!外賣沙嗲串燒送炭爐

朋友聚會之選!外賣沙嗲串燒送炭爐

2018.01.26

愈來愈來餐廳推出外賣火鍋,方便一班懶人唔使自己買材料就可以在家中打邊爐。最近小編發現懶人又有恩物!西環有外賣店推出外賣串燒連便攜炭爐,仲可以免費送貨,下次同朋友聚會又有新嘢玩~

任選五盒沙嗲串燒套裝組合($378),即送便攜炭爐,單點價雞/豬沙嗲串燒每盒$70,牛/羊沙嗲串燒每盒$80。

串燒一盒有12串,大約$6串,雖然份量比較少,不過訂5打有免費送貨服務,價錢都可以接受。

買夠5盒串燒可以送一個便攜炭爐,而家推薦額外多送一個,可以慢慢燒。

便攜炭爐有附送一個簡單支架,錫紙炭爐有數個洞透氣。

點火後等大約30秒就可以開始燒,唔使透爐,懶人啱哂!

十分鐘內就食得,不過火力較猛,串燒要多翻幾次以免燒焦。

炭爐煙霧頗濃,一定要在通風地方使用,建議在戶外使用較為安全。另外記得丟棄炭爐前,要完全熄滅火種~

【精選推介】 

活動資訊