【元朗美食】新開火鍋放題店 路軌送餐任食韓牛+羽衣甘藍+雪糕

打邊爐無分季節，不過天氣轉涼第一件事一定會想起火鍋店！元朗安寧路新開「大谷倉涮涮鍋」放題店，提供5款牛肉放題套餐，可以任食濟州島1++韓牛。想更經濟實惠，則可以選最平的澳洲牛肉。肉類經路軌送餐，坐到最遠約20秒亦可送達，下次同朋友/家人聚會，又有新選擇!餐廳另外會供應刺身/魚生飯，不過就不包含在放題套餐內。

大家可以先選湯底，提供清湯/豚骨湯/地獄湯/蕃茄湯/壽喜燒/雪濃湯(加$10)，混合湯底每人要加$8比較不划算，另外日本鮮雞蛋一隻加$8。

推薦大家試試蕃茄湯，湯底清澈，蕃茄味濃。

有別於其他涮涮鍋的食店，大谷倉實行路軌送餐，全店以卡位為主，而卡位旁邊設有自動運輸帶，用枱上的平板電腦點選肉類後，便會運送到客人的位置，其他配料就要到自助區自取。

肉類選擇方面除了國寶 1++韓牛，還有安格斯牛肉、美國牛肉、澳洲牛肉和西班牙白豚，所有套餐一律限時90分鐘，只限晚市供應。 

頂級國寶1++韓牛放題(午市大人$248 小童$228｜晚市大人$428 小童$288)，兩款1++韓牛雪花分佈平均，肉質嫩滑，不過價錢較貴，唔算太划算。

精選國寶1++韓牛放題(午市大人$208 小童$188｜晚市大人$388 小童$228)

澳洲牛肉放題(午市大人$98 小童$78｜晚市大人$178 小童$78)，價格雖然最平，但牛味最濃郁，抵食之選!

仲有安格斯牛肉放題(午市大人$188 小童$168｜大人$268 小童$168)、美國牛肉放題(午市大人$128 小童$108｜晚市大人$198 小童$108)。

所有套餐都可以任食西班牙白豚，豚肉肉味濃郁，薄切快熟，質素不錯！

 自助區有多款配料任取，除常見的丸類、油麥菜等等外，亦有較少見的羽衣甘藍及蟲草花。

任食配料中包括台灣腸，好多肉汁！

汽水任飲，亦可以自己唧雪糕。

餐廳另有供應魚生丼飯及刺身，唔想打邊爐都另有選擇。

【精選推介】 

1月生日優惠！16個免費自助餐/酒店住宿/門票戲飛

屯門掃街6大美食 生炸雞槌+梳乎厘+粒粒芋頭西米露

尖沙咀放題新店8大亮點 送龍蝦/刺身/即開生蠔

元朗20萬呎免入場費農場！即摘即食日本士多啤梨