正在閱讀
馬鞍山街市新開宵夜食街 開至凌晨2點食勻串燒、即包燒賣、餃子

馬鞍山街市新開宵夜食街 開至凌晨2點食勻串燒、即包燒賣、餃子

2018.02.01

馬鞍山在港人眼中曾是「美食沙漠」,區內食肆比起鄰近地區(沙田、大圍等)不算多,居民要在馬鞍山區內覓食不容易。

不過,隨著愈多食肆開幕,馬鞍山終於可以慢慢洗脫「沙漠」之名,不止有更多堂食餐廳,最近連街都有得掃!

恆安邨街市最近完成翻新,外圍更新增了一條新食街;街內集合9間小食店,港式、台式、日韓等都有,重點是食街營業至凌晨2時,街坊宵夜有著落!

馬鞍山恆安市集食街小食店哂冷:

1. 三寶皇

小食店主打魚肉燒賣($12/八粒),老闆一家每日於店內即包即製。

有前酒樓廚師「爸爸」坐鎮監督並教授年輕一輩,粒粒燒賣包得脹卜卜,內裡塞滿軟滑鮮魚肉,以大蒸籠蒸熟後非常軟滑,質感軟糯,不會太死實,而且無坊間魚肉燒賣的腥味。

小食店還有供應其他街頭小食,如煎釀三寶、炸雞髀、牛肉球、粉果,同樣好賣。

2. 舌尖回味

小食店由從事日本餐飲多年的一夥主理,主要售賣日式炸物、茶漬飯、冷拉麵,夜晚更會有串燒供應。

 

店內炸物全部即叫即炸,香脆可口,推介炸牛肉薯餅($8)。

串燒方面,有日式口味如鹽燒牛舌($18/串)、雞軟骨($8串)、明太子雞翼($12/隻)等,牛舌外脆內嫩,而且很入味,值得推介。

3. 皇后餃子

共7款餡料選擇,如芹菜、粟米、芫茜等,現場新鮮包製,每隻都脹卜卜填滿餡料。

食客可選擇煮法,煎、炸、蒸、湯,配麵都得。

小編個人較推介香口惹味的煎粟米餃!

4. 正一麵

宵夜少不了車仔麵!食街近門口位置有間車仔麵檔主打秘製辣汁車仔麵。

兩餸麵最平$24有交易,20多款配料包括滷水豬大腸、香辣魷魚、胡椒甜蘿蔔、陳皮魚蛋,每款由$8-$14不等。

嗜辣者必點秘製辣汁,分微/小/大/勁辣,建議由小辣食起,油麵和白蘿蔔等蔬菜吸盡辣湯汁,後勁很強。

5. 自家工房

秋冬進補必食蛇羹(大$48/ 小$38),內含有蛇肉絲、花膠、冬菇、木耳,頗足料。

薄脆以外,亦可加上檸檬葉一起吃,僻走腥味,陣陣清香!

另一招牌食品滷肉流心蛋飯細碗裝$18就有交易,滷肉帶少許肥肉,油脂不會過盛,味道香口,不妨將流心蛋蛋黃與滷肉拌勻吃,更加惹味。

店內亦有供應養生小吃藥膳雞米粉($38),不過中藥材味濃,未必人人都能招架。

6. 鐵板工房

主打日式炒麵($28)和大阪燒餅($22),全部即叫即整,製作需時。

嫌普通鐵板燒餅不夠飽肚,可以試三倍鐵板燒($40),份量夠2人食用;內有加倍配料,包括豚肉、水牛芝士(Mozzarella)、火腿,最後淋上醬汁和灑上海苔粉,大大份勝在夠飽肚。

-------------

食街以外,街市內其實還有一間臥虎藏龍食店。

這間燒洒一族主打燒烤食品和酒醉小食,燒豬手($88)用德國傳統燒製,而且用啤酒浸過,皮脆肉嫩。

酒醉小食款式多,用10幾種香料煮熟後,再用杞子、花雕酒、鹵糟浸泡幾入味,推介酒醉熏蹄、醉蛋、醉雞翼。

 

【精選推介】 

2月生日優惠晒冷 16個免費自助餐/釣蝦唱K/樂園門票

日本班戟名店GRAM 3月襲港 尖沙咀梳乎厘Pancake

屯門掃街6大美食 生炸雞槌+梳乎厘+粒粒芋頭西米露

銅鑼灣新戲院率先睇 10種特效4DX座椅+超豪VIP影廳


活動資訊