正在閱讀
【尖沙咀美食】尖沙咀酒吧燒烤放題 5小時任食+任飲啤酒

【尖沙咀美食】尖沙咀酒吧燒烤放題 5小時任食+任飲啤酒

2018.02.05

想約一大班朋友BBQ,又覺得一般的燒烤場太遠?尖沙咀天文臺圍酒吧「SLOW Bar & Restaurant」推出任食BBQ,不但位置方便,又有時間可以慢慢燒,加錢可以任飲指定紅白酒、生啤和啤酒,收工約朋友啤一啤就最適合不過~

SLOW Bar & Restaurant將餐廳平台打造成露天BBQ場,只需要$168就可以任燒十多款食材,大部分都食材都已經處理和醃製過,有牛扒、豬扒、雞翼、錫紙金菇、丸類、腸仔等,亦可以再自行塗蜜糖。

肉類質素不俗,牛扒和豬扒醃製得剛剛好,不會過鹹,肉質鬆軟不韌。可惜選擇較少,只有豬扒、牛扒及雞翼。

而且可以自家製蒜蓉多士,在麵包上塗上牛油及蒜蓉,多士烤得非常香脆,蒜蓉味香濃惹味。

有數款丸類及腸仔、紅腸,錫紙金菇偏乾身,反而燒粟米多汁香甜,不俗!

但記得要提早預訂,老闆會因應訂位人數而附送一款指定海鮮。燒魚有驚喜,肉質嫩滑彈牙,味道鮮甜不腥。

店內提供一系列不同的醬料,有燒肉醬、鮮露、BBQ醬等,更有3款自家製醬料,非常多選擇!

$168任食BBQ連一罐汽水,想飲酒的話可加錢任飲指定紅白酒、生啤和啤酒,男士$398,女士$348,就可由傍晚6時飲到凌晨3時,但露天BBQ只會開放至晚上11時,燒定一碟入室內慢慢食亦得。

雖然BBQ食材不算多,但勝在可以包場聚會BBQ,酒吧內還有飛鏢玩,三百多塊錢可以任飲酒也划算,下次朋友聚會就有新去處喇!

【精選推介】 

2月生日優惠晒冷 16個免費自助餐/釣蝦唱K/樂園門票

日本班戟名店GRAM 3月襲港 尖沙咀梳乎厘Pancake

馬鞍山街市新開宵夜食街 食勻串燒、即包燒賣、餃子

銅鑼灣新戲院率先睇 10種特效4DX座椅+超豪VIP影廳

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠