父親過生後,後母轉以單人申請公屋 日後有冇得繼承後母間公屋?

文: U Magazine
2022.11.01

若住喺公屋嘅繼母離世後,作為繼子嘅又可唔可以繼承公屋呢?最近有網民就喺連登討論區上發文,問有關公屋繼承嘅事,指若後母過生後,會唔會有得繼承後母間公屋,因而就引起一眾網民熱烈討論關於公屋繼承嘅問題。

單人公屋,戶主去世後就會收返?
樓主表示多年前父親再婚,而後母喺內地與前夫育有一位女兒,現已成家立室,之後樓主父親與後母兩人就共同申請公屋,而於父親離世後,後母就轉以單身長者申請,因而就問到若將來後母離世,公屋嘅繼承權應屬何方,係屬於繼子定係於內地嘅親生女?有網民就指樓主後母係以單人申請公屋,並冇得繼承:「後母自己一個申請到公屋,佢死咗咪房署收返間公屋再租俾其他人」、「後母單身長者,即1人公屋啦,死左(咗)咪還畀政府,你要保住咪綠表單人買/抽公(屋)/居(屋)囉」

繼承要睇有冇戶籍?同血緣關係冇關?
亦有網民指公屋繼承係要睇有冇戶籍,與血緣並冇關係:「唔關繼承事,係睇有冇戶籍,個仔有戶藉先係重點,後母死左(咗)咪到個仔做戶主囉,同親生與否無關」、「當公屋有ABC三個人既(嘅)名,三個人都唔可以趕對方走,死剩是但一個,間公屋都仲照keep到,大前題你要有名,無名既(嘅)話理得你直屬唔直屬,老豆老母阿仔阿女,都無份」、「你冇名一定唔得,要係(喺)份合約入面有名先可以繼承 」、「如果戶主走咗,咁就由其中一個間屋有名嘅住戶繼承,房署角度睇你地仔女係平等,唔理先母定後母所生,你地住戶自己拆掂佢邊個做戶主,再做全面資產審查」

有網民認為繼母以個人身份申請公屋,就算繼母去世後,作為繼子的亦無法繼承其公屋。

亦有網民指血緣關係並不適合於用繼承公屋上,而只要租約上有戶籍就能夠繼承。

要通過資產及入息審查先可以繼承到?
網民亦討論到就算有戶籍可繼承公屋做戶主,都要先通過房屋署嘅入息審查:「戶主死左(咗),租約入面住戶要繼承都要符合公屋資格。唔符合都係叫你走。入面有名可以繼承,一個繼承完再加名咁都係世襲制」、「只要係有名,過到個入息審查同大搬細呢2個問題,就可以繼承啦」,不過有網民就指難以通過審查:「要重申做過資產審查,過左(咗)都冇得住。比你做戶主一定要做審查,要過審查除非躺平」,但隨即有網民就解釋繼承公屋嘅審查與申請公屋嘅審查並不同:「入息審查就跟富戶果(嗰)個,唔係跟申請果(嗰)個,一般都唔會過」、「審查跟富戶要6皮人工先無得住,唔洗(使)躺平」、「要超入息5倍,一人要6萬5先踢你走」

而另外有網民就建議樓主應向律師或房屋署職員尋求專業嘅意見:「複雜問題一律建議問律師,係度問只會比人恥笑」、「不如問下(吓)樓下房署主任/區議員啦,都唔使錢」、「其實房署識答啦,洗問律師咩」

有網民指繼承公屋另外需通過房屋署的資產及入息審查。

亦有網民建議應尋求律師或房屋署職員的解答。

text/Jonathan
photo/HKET圖片庫

============

同場加映:

【蝸居睇樓團】沙田舊樓變美式鄉村風二人世界!隱藏門解決五門歸心!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓