全能司儀選拔大賽2022丨黃建東、蔡國威成功奪台慶夜司儀兩個席位 優異表現勝出比賽成接班人

文: 羅志宏
2022.11.14

TVB節目《全能司儀選拔大賽2022》最終由黃建東及蔡國威以優異表現勝出比賽,成功奪得台慶夜司儀的兩個席位。而TVB亦公開了今年台慶司儀陣容,當中組合20大司儀,已離巢的Do姐就退下火線,並加入了《東張西望》3大女主持接棒,三人皆第一次擔任台慶司儀。

今年《萬千星輝賀台慶》司儀陣容及人數打破歷年紀錄,組合了由10男10女組成的20大司儀,包括「鎮台之寶」汪明荃、陳貝兒、黎芷珊、麥美恩、馮盈盈、《東張》主持朱凱婷、陳庭欣、吳幸美、以及上屆港姐冠軍宋宛穎、亞軍梁凱晴、陳百祥、鄧梓峰、錢嘉樂、崔建邦、林盛斌、陸浩明、周奕瑋、鄭衍峰,以及兩名新鮮出爐的「全能司儀」勝出者黃建東和蔡國威。

►同場加映:【衝出嚟玩】LuLu豬化身快餐店實習生登陸北角滾軸溜冰場!聯乘潮玩品牌+CASETiFY推出多款限定週邊

對於終能如願成為台慶司儀,黃建東和蔡國威的表現激動,領獎時哭得雙眼通紅的蔡國威坦言領獎時心情激動,皆因想起亡父,並感觸謂:「我一路都覺得自己對屋企人唔住,因為我當初冇理佢哋嘅反對入咗行,一直都想畀啲成績屋企人睇,但一路都係爭啲,所以十年前爸爸走嗰陣,我好遺憾,好似喺佢走之前我都未能夠有個交代畀佢咁。希望天上嘅爸爸可以見到,雖然好似太遲,但遲到好過冇到。」

蔡國威補充指當時報名《全能司儀》時是一心一意:「因為想全力以赴、一擊即中。」並謂之所以選擇向主持及司儀方向發展,全因自己「怕醜底」:「想訓練自己更大膽同埋唔怕面對群眾。」又笑言小時候是背書能手:「我當年中文背默好多時都100分,哈哈。」

至於黃建東興奮大叫:「今次台慶唔使企最尾嗰排喇,好耐冇試過喺TVB攞獎,對上一次係11年前嘅香港先生。今次呢個比賽贏到自信同埋被認同,希望唔使再搲撈!」黃建東其後補充指以往的機會,也是得來不易:「希望之後有人主動想用我,之前唔係好多人想用我,要好辛苦搲先有一個、半個機會,我好希望有自己主力去主持一個節目嘅機會。」

談到先後參加《全城一叮》及《全能司儀》,並在《全城》中大騷作曲、創作及彈琴等不同才華,黃建東坦言心中仍有團火:「我好希望喺TVB做番啲成績出嚟,所以我好珍惜每個機會,同埋我想轉型,想搣走騎呢形象,做番踏實嘅主持同演員,我想以作品說話。另外,我最近好努力減肥,已經減咗20磅,希望大家見到我嘅誠意。」

圖及來源:TVB、節目截圖

 

《全能司儀選拔大賽2022》最終由黃建東及蔡國威以優異表現勝出比賽,成功奪得台慶夜司儀的兩個席位。

11月19日。

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓