旺角桔梗正式宣布結業!澄清疑執笠頂讓舖位傳聞

文: 唐卓寧
2022.12.03

近日,有網民於討論區以「桔梗準備執笠?」為題,發佈一張截圖,圖中一個疑似旺角「桔梗」餐廳的舖位期望將轉手,該店早前遭業主入稟法院追討欠租逾306萬,又曾發文告急,因此,一眾網民懷疑經營不善致倒閉,亦有不少人留言指其店服務差,食物則「又難食又細碟」。

12月3日更新:

今日凌晨(3日)桔梗於Facebook發文宣布正式結束營運,並表示已經將店舖交還業主,澄清並非早前網上流傳頂手的消息,而是於原有租期提早三個月完結交還,更表明不會在香港重開:「有緣台北再聚」。

早前,有網民於連登討論區以「桔梗準備執笠?」為題,發佈一張截圖,圖中可見「香港飲食業生意私人頂讓頂手及二手用具及商品出售群組」中,有人發文放出旺角一個面積4400呎、門面闊60呎的單位,而配圖極似旺角「桔梗」餐廳,一眾網民懷疑其店經營不善,即將倒閉,引來不少人討論。

樓主狠批桔梗服務態度差:「我呢世都記得當間全間鋪所有人好耐都冇嘢食嘅時候,廚房出咗嘢食仲要等班XX樓面自拍完先上菜嘅情景」、「每次見到佢都要X一次,點餐,攞餐具都要自己嚟,仲好意思收加一服務費,啲人又冇禮貌」。

定價太貴亦成死因之一:「呢間野太有自信,X意粉都100蚊碟」、「又難食又貴 」、「睇黎好多人都食過一次,我食左一次覺得勁唔抵以後就冇再食過,不過我食果次佢啲野食都仲算正常,但係印象中係好少同好貴」。

而更多網民認同的一點是,食物味道欠佳:「啲野難食同唔抵就夠你死」、「又難食又細碟,唔抵呃錢」、「一舊碟都唔係咩問題,最大問題係等成七八個字岀來碟野係凍嘅,無味食唔飽都算可能我重口味大食,但等咁耐連最基本嘅熱都做唔到真係搞唔掂」、「一舊一碟唔係問題,得兩啖又唔好食先係問題」。

來源:連登討論區

►同場加映:【衝出嚟玩】昂坪好去處!彌勒山輕鬆郊遊路線睇芒草 全新觀景台飽覽無敵靚景!

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓