10蚊3底雞蛋仔 幫港人抗通脹
文: 晴報
在百物騰貴下，竟然還有十蚊三底雞蛋仔？有白領厭倦金融業的勾心鬥角，毅然走入熱廚房，開店賣港式小食，以薄利多銷殺出重圍，開業不足三個月已回本。老闆聲言：「要為港人抗通脹」。
近日有網民發現，荃灣驚現十蚊三底雞蛋仔、十蚊三碗豆腐花的小食店。有網民力讚「薄利多銷、愈見愈少、要支持下」；亦有人直言「嘢食麻麻，純粹平先幫襯」。
記者親身試味，豆腐花夠嫩滑，但豆味不夠濃；至於招牌雞蛋仔，老闆承認因成本問題，暫時只做到外脆，未有內軟口感。熟客仔區先生盛讚香辣魚蛋：「醬汁夠惹味，魚蛋又爽口彈牙」，但他最欣賞老闆曾先生待客熱情，二人已成為朋友。
着T踢拖入廚房 心滿足
這間位於荃灣的小食店，今年五月才開業。老闆曾子豪原本是穿着西裝、每日穿梭金融界的80後上班族，高峰期月賺九萬元。他的拍檔兼好友Kenny笑言：「以前一套便服都沒有，更從未洗過碗。現在每日穿着T恤、人字拖返工，仲要學煮嘢！」每天待在熱廚房最少十小時，但曾子豪仍感滿足。
小店名為「舊香港人小吃」，是為了尋回兒時回憶。「我由婆婆帶大，每逢學校小息時，她都會送上魚蛋、燒賣等小食」曾直言：「小店未必可以抗霸權，但可為居民抗通脹！」租金高企趕絕不少小店，但他有信心能開分店，「先穩守荃灣區，再出去闖！」
同行未必如敵國，曾子豪對北角利強記的雞蛋仔亦讚不絕口。該店老闆廖伯也指，不覺得平價策略是威脅，但叮囑創業者要留意收支，坦言因食材價格四年間飈升兩倍、租金增加1.5倍，去年有六間分店相繼結業。
青年創業軍創辦人溫學文則表示，平價吸客是聰明做法，長遠可透過免費網上平台宣傳，並加入正價產品，維持收入。
《我要做老闆》張超教路：寫計劃書算成本
同樣是80後的張超和麥泳豪，參加電視台節目《我要做老闆》後一舉成名，四個月內開了四間分店。張超認為要做個精明老闆，需準備計劃書，計算租金、人工等開支。他坦言，首間店舖是頂讓得來，原以為可重用舊有器材，毋須再裝修，誰知「用了幾日器材便壞了」，建議預留三個月租金及人工作流動資金，防突發事件。
曾子豪將小店名為「舊香港人小吃」，為的是尋回兒時回憶。
自家製豆腐花、雞蛋仔，十元便可任選擇三款，開業不久已獲不少街坊捧場。
」，
App內睇文同睇片可隨時捕捉U Fun彩蛋，
換領現金券及禮品！
↓【免費送💓】Physiogel皇牌面膜套裝↓
↓ 轉季必備! 抗敏紓緩 x 修復保濕💧↓
↓ U Lifestyle App送飛！請您去《鬼滅之刃全集中展》！↓
↓ 獨特設計的七大展區！ /1比1打造的實體日輪刀！ ↓
評語