記者開箱$12店手工藝包 平玩羊毛氈、自製寵物帽 超易上手?

2022.11.29

加入咗12蚊店關注組之後就發現除咗好多平價家居用品之外,仲有好多各式各樣嘅手工藝品。今次就等我哋嚟挑戰,順便實測下呢啲手工套裝嘅難易程度,即刻睇下我哋嘅實測過程同成品啦!

1.泡泡炸彈套裝(難度:**)

每盒手工套裝有齊英日翻譯說明書、材料,而背面列明需要自己準備嘅工具。說明書更印有QR code,可以睇片跟住做。

倒入材料包後搗碎,使用噴壼加水,需重點留意水量。

入模可以額外加食用色素及閃粉珠片裝飾,再放置30分鐘。但我哋因為加太多水,令泡泡炸彈成型失敗。



2.手工寵物帽(難度:*)
除咗有可愛嘅橘子造型,更有車長造型選擇。

說明書印有模版,剪出模版再印落布料剪出。

用熱融膠槍喺內外癡實啲角及葉子配件,再加以固定。


可愛嘅橘子寵物帽輕鬆完成!快啲幫主子戴上咁得意嘅帽啦!



3.羊毛氈套裝(難度:**)
12蚊就可以試玩羊毛氈,實在太抵喇!仲有好多其他選擇添,不過望到說明書咁密密麻麻,應該有啲難度。

羊毛氈嘅原理係利用針刺羊毛會令羊毛摩擦、氈化,從而塑成想要嘅形狀。但睇相都知我哋係選擇唔跟說明書做,由頭、毛髮到眼耳口鼻都使用咗個人特色咁刺上去,過程都幾紓壓。

成品仲可以加上附送嘅扣針變成胸針,或者掛書包、手袋都得㗎!



4.布藝手工
只要有布、針線、綿花就可以變成小枕頭喇!特別要讚一讚呢個便攜針線盒,細細盒十分齊全,隨身備用或旅行用都好啱使!

打開布後正面對摺,再縫實邊界。邊界位記得先向外摺一層,防止針線外露。縫好兩邊後反轉布料塞入綿花,建議塞多啲,令枕頭變厚更舒服。

Disney迷你小枕頭誕生喇!可以自己當頸枕或者畀毛孩用都得。

 

5.紙皮收納籃(難度:**)
本身見到呢個手工套裝覺得整咗出嚟應該幾實用,喺眾多選擇裡揀咗望落最簡單嗰個試下。


打開說明書發現,佢複雜程度超出晒我哋嘅技術層面。所以最尾都放棄咗~


6.毛冷鈎針
12蚊店內都有好多唔同顏色嘅毛冷,單色定拼色都有,通通都只係12蚊,好平啊!

有佢哋就可以鈎出唔同顏色嘅頭帶、帽、頸巾等,因為時間嘅關係,今次整住手繩先啦!


【INFO】
手工藝品系列
售賣點:DAISO

text/serena

============

同場加映:

【蝸居睇樓團】灣仔650呎雙房單位變身屋中屋 打卡圓拱窗台

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】不含酒精及化學成份!天然又安全!↓

↓ 準時入APP搶芳泉全效消毒噴霧套裝!↓

 ↓ 準時入APP搶芳泉全效消毒噴霧套裝!↓

↓【免費睇!】《香港寵物好去處2023》!↓

↓超過20個毛孩放電點/冷知識/攝影技巧等↓

↓超過20個毛孩放電點/冷知識/攝影技巧等↓

評語

相關文章