韓國SPAO X Pokemon睡衣派對 比卡超親子裝、毛毛觸感超舒服!

文: U Magazine
2022.12.01

SPAO早前就同Pokemon合作推出過一系列時尚衣物,今次再度合作推出寵物小精靈睡衣,有大人同童裝款式。睡衣採用觸感極佳嘅毛絨布料,喺屋企著住一定超級舒服保暖。一家人一齊著,一齊成為小精靈訓練員啦!

Pokemon 比卡超炭色睡衣 49,900韓圜(約293港元)
比卡超呢件以炭色作底色,上衣簡單地以比卡超嘅黃色繞邊。口袋上探頭而出嘅比卡超超Kawaii呢!而睡褲就有多個比卡超頭嘜。粗心大意嘅人可以入手呢套,無咁易整污糟嘛~

Pokemon 卡比獸綠色睡衣 49,900韓圜(約293港元)
卡比獸就以鮮藍綠色底色,無論上衣定褲都有好多個卡比獸嘜頭,表情多多嘅佢超可愛啊!睇真啲已經feel到質地有幾舒服喇!

Pokemon 車厘龜淺藍色睡衣 49,900韓圜(約293港元)
係好多人都鍾意嘅車厘龜啊!雖然睡衣同卡比獸款式係一樣嘅設計,但淺藍色底色畀人感覺更醒神!

Pokemon 百變怪紫色睡衣 49,900韓圜(約293港元)
對我嚟講,百變怪嘅款式最吸引!百變怪本身就好得意,配上呢種淺紫色好溫和,無論男定女著上都可愛感爆燈啊!

Pokemon 比卡超童裝睡衣 39.900韓圜(約235港元)
除咗成人款式,當然唔少得童裝,咁先可以一家大細一齊著!童裝嘅比卡超睡衣用上活力嘅鮮黃色,口袋同樣有探頭嘅比卡超之外,全身上下都係用上雷電圖案,連手袖位都有埋閃電嘅刺繡圖案,幾細緻。

Pokemon 車厘龜童裝睡衣 39.900韓圜(約235港元)
車厘龜裝就同成人版款式一模一樣,如果鍾意一樣款嘅親子裝,咁就可以入手車厘龜款式。

Pokemon 夢夢童裝睡衣 39.900韓圜(約235港元)
最尾嘅套裝係Pink Pink嘅,可以買畀囡囡喇!眼大大、圓嘟嘟嘅夢夢非常可愛,快啲買畀你屋企小朋友啦!

【INFO】
SPAO X Pokemon
購買點:韓國SPAO、Eland Mall、Musinsa
日期:2022年12月9日起發貨

text/serena
source/spao@official

============

同場加映:

【蝸居睇樓團】灣仔650呎雙房單位變身屋中屋 打卡圓拱窗台

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓