近年，雙餸飯店成行成市，不少人會因其菜式選擇多、價錢相宜而購買。最近，一間餐廳在社交媒體公佈推出雙餸併燒味飯，定價每份HK$188，帖文一出，一眾網民嘩然，討論主要圍繞定價，有人指飯盒來說賣得太貴；有人指單看賣相覺得不值此價；有人覺得餐廳太想賺盡。
早前，北角餐廳「人人和平」在Facebook宣佈，新推一款售HK$188的高級和平小菜雙餸併燒味飯，內有燒味、青菜、帶子或蟹鉗，更「確保熱辣辣送到」。文中指，在疫情初期老闆也曾有賣雙餸飯的想法，因為「入貨只揀靚食材，實在唔想做cheap自己」，故沒有實行，而今次巧合地有新加坡客人需要飯盒，才順勢推出。
點擊圖片放大
不過，帖文一出，網民的焦點紛紛落在價錢上，有人留言：「嘩！$188一個飯盒，雖然係高質飯盒啫，會唔會貴咗啲呀？」亦有人留意賣相：「只睇張相， $68都要諗下」、「如果真係靚食材188唔貴，但你張相影出黎都咁肉酸，點俾人食呀？」更有人諷刺該店賺得多：「188蚊，賺你160，果然係高級飯店」，不過也有人為人人和平打抱不平：「覺得佢貴咪唔好買」。
「人人和平」亦兩度回應，提出平日每隻百花炸釀蟹鉗的定價為$38；鮮菠蘿咕嚕肉定價為$169；燒味雙併飯定價為$66。可惜，仍有網民不賣帳：「我前天買外賣35蚊三餸飯，餸料多過你，味道好又夠鑊氣 ，188蚊你當大家是羊牯」、「一直有食開，但今次真係有啲難以接受。要我俾$188，起碼要有5塊叉燒，5舊燒肉，兩隻蟹鉗。老實講，你個賣相一啲都唔高級」。更有網民笑稱：「名副其實之貧窮限制想像。」也有網民持另一種意見：「明買明賣，又唔係食完先知價錢嘅」。
來源：FB@人人和平
►同場加映：【衝出嚟玩】海洋公園全新生態地質遊！探索港島南2大路線！出海近距離睇海蝕洞
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
