就嚟聖誕節喇!除咗交換禮物之外,仲有一樣好重要就係要食聖誕大餐!咁食聖誕大餐要有氣氛就要入手返啲聖誕餐具、裝飾啦!日本「Flying Tiger」每年都有金Christmas系列,定價仲要十分親民、超抵買,用小小錢就可以打造一個極有氣氛嘅聖誕家居喇!睇下有啲咩款先~
聖誕樹托盤 440日圓,含稅
呢棵聖誕樹一出場就搶晒全場焦點!最啱放welcome snacks或糖果,充滿節日氣氛!
聖誕樹餐巾紙 165日圓,含稅
呢棵聖誕樹造型嘅餐紙好可愛啊!開聖誕party次次都要搵紙巾,只要換咗呢款餐巾紙就一定無呢個問題喇~
聖誕樹餐具墊 165日圓,含稅
聖誕大餐嘅擺盤點可以冇呢個咁打卡嘅餐具墊!要知道就咁放餐具喺枱面會接觸到好多細菌,用返餐具墊就可以確保餐具乾淨衛生,咁就可以放心食大餐啦!
聖誕老人罐 660日圓,含稅
聖誕老人嘅樣子非常慈祥,打開頂帽就可以放入聖誕曲奇,份量少少,賣相幾趣緻!
附曲奇架馬克杯 440日圓,含稅
聖誕老人馬克杯多的是,但好少有杯款會設計埋放曲奇位,邊食曲奇、邊歎熱朱古力就最啱。
聖誕老人膠盒 165日圓,含稅
Party食唔晒嘅食物唔好浪費呀!用儲物盒存好啲食物就最好喇,而聖誕月份當然要用返聖誕老人樣嘅儲物盒啦,呢個容量都幾大,係實用之選!
聖誕樹水晶球 275日圓,含稅
個人覺得屋企有個水晶球佈置感覺會夢幻得多,無咁單調。一於入手聖誕樹水晶球放喺枱面,每日望住佢,即刻有返啲聖誕氣氛。
小鹿蛋架 330日圓,含稅
官網聲稱呢個以得意小鹿造型嘅器皿係一個蛋架, 可以將煮熟咗嘅雞蛋放喺佢頭頂上享用,但我諗極都諗唔明佢實際係點操作,睇怕要入手實試一下先得。
【INFO】
Flying Tiger Christmas
購買點:日本Flying Tiger
網址:https://blog.jp.flyingtiger.com/item?category=christmas
text/serena
source/Flying Tiger@official
============
同場加映:
【蝸居睇樓團】元朗60年村屋變童話式退休Dream House!特大玻璃趟門廚房連飯廳+二樓溫馨小偏廳