家居鋪花磚最宜點用? 揀花磚有乜要注意?清潔花磚有乜竅妙?

文: U Magazine
2022.12.29

不難發現近年很多人都在家居設計中用上花磚,皆因圖案、形狀千變萬化,最適合用來做特色牆點綴家居。但到底揀花磚有乜嘢要注意?可唔可以用來鋪地板?應用上又有乜嘢缺點?清潔花磚有乜竅妙?一齊聽吓專家講解。

花磚最常見用法是鋪上廚房吊櫃和地櫃中間牆身,或者浴室牆身做成特色牆,增加視覺衝擊。但其實花磚也可以用來鋪地板,它本身亦有足夠硬度,惟一要留意因為磚面是油漆,鋪地面的話應選用啞面花磚,減低跣親的機會。

近年很多廚房都會鋪花磚特色牆做點綴。

浴室用花磚鋪牆夠醒神。

花磚缺點是比較細塊,因此鋪起罅隙多,容易讓霉菌滋生,清潔較麻煩。

花磚尺寸變化不大,磁磚公司負責人 Melvin 教大家揀選時只要按以下3個步驟就可以:

1.形狀,除了方形,花磚還有六角形等形狀,可先從這方面著手。

2.圖案,跟住就可選擇心水圖案。

3.顏色,然後再考慮與其他家居設計色彩配合就可以。

 

清潔花磚與其他磁磚差不多,一般用清水就可以,但不可以用強力清潔劑,Melvin 提醒不要聽信坊間傳言使用洗石水,因為有機會損害表面色彩。

另外,選購時會發覺,歐洲製磚會比內地製品貴得多。Melvin 指原因並非品質問題。事實兩者質素相差不遠。歐洲製品勝在設計原創性,當地廠商會研發獨特款式,而且不少廠房規模較細,產量有限反而會花心思生產冷門圖案。而內地廠商生產規模較大,價格可以較低,但就侷限做一些大路款式了。

 

花磚參考價錢:

$20-$35/ 件  尺寸:200mm x 200mm

 

【info】

三美(立信)建材有限公司

網址:http://www.tilestorehk.com/

========

同場加映:

【蝸居睇樓團】大埔800呎新樓全拆 變侘寂風和屋 IG-able仿日本木屋+禪味水泥閣樓、玻璃主人房

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓