「愛妻號」陳豪在節目《豪遊咖啡》最後一集就邀來太太陳茵媺（Aimee）壓軸登場任嘉賓，兩公婆相約於西貢一間咖啡小店撐枱腳，互動可謂「戴住超都閃到盲」，陳豪更以不斷以「Baby」稱呼愛妻，簡直羨煞旁人！這對陳氏夫婦更罕有公開當初的相識經過，如今結婚多年仍恩愛如昔。
陳豪這次罕有與愛妻同框於節目，一開始就甫現身已甜蜜拖實手仔，拖實陳茵媺步行至咖啡小店，以「甜到漏」視線對望，幸福感溢於言表。除了暢談雙方的歎啡習慣，陳茵媺還大爆陳豪有鋪儲咖啡機癮，擺滿廚房和天台之餘，兩人更曾為廚房「劃位」講數，令陳豪默默投訴不能逐部咖啡機擺放展示出來。
►同場加映：【衝出嚟玩】赤柱孖崗山觀景台1小時來回新手路線！適合親子郊遊/飽覽赤柱灣無敵靚海景
席間，二人公開相識經過原來源自咖啡，自稱「一定要飲咖啡先記到稿」的陳茵媺憶述指，當年因經常拎住咖啡四圍走，結果屢被幕後同事指與陳豪性格相似，從而令她開始留意陳豪。她冧笑望向老公續道：「有次服裝姐姐叫我搵你沖杯咖啡飲，然後唔夠一秒你就入咗服裝間，跟住我問你攞咖啡，你就即刻出去整……」
接著，陳茵媺透露9歲大仔Aiden和6歲幼女Camilla均深得爸爸遺傳，對咖啡有濃厚興趣，說畢即扮Aiden平時如何仿效爸爸陳豪「嘈喧巴閉」整咖啡，並分享了Camilla偷飲咖啡的萌爆趣事。最後陳豪即場教太太炮製虹吸咖啡，陳茵媺則甜笑謂：「呢個係我10年以來第二杯沖嘅咖啡。」老公愛錫之情，盡在不言中！
圖及來源：TVB
」，
App內睇文同睇片可隨時捕捉U Fun彩蛋，
換領現金券及禮品！
↓【送機票】香港來回鹿兒島機票+獨家優惠碼！↓
↓把握機會！立即參加羸免費機票↓
↓【社群送禮】麒麟一番搾啤酒及禮品套裝！↓
↓麒麟一番搾啤酒杯／櫻花富士山杯／櫻花玻璃碟↓
