2023兔年家居風水佈局 龍師傅話你知! 旺桃花、財運擺啲乜?雙春兼閏月宜婚嫁、股市投資邊類掂?

文: U Magazine
2023.01.17

兔年好快就到!大家除咗忙於幫間屋大掃除,亦係時候擺番個兔年風水陣,為來年催吉避凶。究竟兔年嘅桃花及財位喺邊呢?而今年適逢 「雙春兼閏月」邊個月份最適宜婚嫁呢?大家最關注嘅疫情又會幾時緩和呢?以上所有問題就等龍師傅為大家逐一解答,而龍師傅更會醒大家買股票小貼士,內容十分豐富,千祈唔好錯過呀!




桃花位:擺九枝不帶刺鮮花

想改善人綠桃花?單身的,想今年脫單?2023兔年的桃花位落在北方,龍師傅建議可擺放九枝顏色鮮艷而不帶刺的鮮花催旺一下。至於情侶,希望於今年拉埋天窗,都非常適合,皆因今年適逢 「雙春兼閏月」,是結婚的好年頭。龍師傅表示:「其實雙春兼閏月,一般而言都是有利結婚的,因為春代表生氣,需要繁衍,所以雙春兼閏月好多時都會適合婚嫁。」
至於邊個月份最適合結婚,龍師傅話要夾番新人八字,不過有幾個節日就最好避一避:「雖然兔年適合婚嫁,但如清明、重陽及盂蘭節(鬼節),這些時份還是最好避開舉行婚事。」

北面擺放9枝不帶刺鮮花,便可催旺人緣桃花。




財位:擺香薰機
至於2023兔年的財位則落在南方,龍師傅話可擺放:「一啲動水嘅嘢,會郁、會流動、有光」的擺設,如香薰機,便可催旺財運。
而龍師傅就預言2023年樓市會低迷,直至年中,樓價才會較為穩定;但金融股市則會於立秋後,約8月穩步上揚,而香港經濟亦會漸見起色。有意投資股票的話,龍師傅就表示「金融、汽車及鋼材類別嘅股票都可以少作投資。」
至於樓市方面,雖然會較低迷,不適合投資,但若果想趁低入市,作自住之用的話,龍師傅認為可以於春季時入手:「如果想置業的話,好多人都話望北水,會揀馬鞍山。但,我會較睇好天水圍及落馬洲附近一帶。因為,嚟緊九運將會大利北面,已經進入咗地運, 2024年會進入九運,所以北方會較為有利。」

如果想催旺財運的話,可在南方擺放動水的擺設,如香薰機。


至於想化解破財的話,可在東北方擺一杯八分滿的水。




而今年的貴人偏財位則位於西方,只要擺放一隻馬踏飛燕便可。如覺得馬踏飛燕較為難買,可用其他馬的裝飾品代替,但功效會有所減弱。


家居風水水布局小教室
有不少人所以龍師傅就趁今次機會解答一下大家的小迷思。



點量度方位?
在擺家居風水陣時,大家都唔知點樣量度方位,而坊間有好多不同說法,如面向大門、向窗等等。而龍師傅就話:「我哋風水師量度,好多時會企喺門,因為會有門向、大廈向及窗向幾樣嘢,比較複雜。如果本身唔係風水師,想知道每年擺邊個方位。好多時搵間屋嘅中心點,如果唔明的話,可以上網搵自己間屋嘅圖則,然後搵間屋嘅中心點,再用電話入面嘅指南針功能,就可以望到東南西北,跟住擺就無問題。」



立春後先可以擺風水陣?
一般來說,屋企擺風水陣都是在立春之後,但今年立春在2月4日,已是踏入農曆新年。龍師傅解釋:「當然,最好就係立春之後擺,不過今年立春在農曆新年後,但而家擺都唔太驚,因為已經立咗氣。」



農曆新年期間有乜嘢要注意?
農曆新年前除咗要幫間屋大掃除及擺個吉利的風水陣之外,龍師傅表示,最好在農曆新年前將屋企壞咗嘅燈更換:「尤其喺年三十至年初三,開晒全屋企嘅燈。當然夜晚瞓覺時,房燈可以關掉。但客廳燈都盡量長明,長明幾日,迎接個吉氣。」



【info】
Facebook:羅雲龍玄學工作室


text/Theo
photo/Ricky

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓