家務天后教你大掃除秘技! 除霉、抹窗、清洗抽氣扇/ 抽油煙機/ 雪櫃/ 洗衣機

文: U Magazine
2023.01.17

就快年廿八啦!過年前家居洗邋遢要最後衝刺的話,一於請家務天后歡姐幫大家啦!今次主要就圍繞住廚房同埋廁所浴室,教你點樣去除污漬同埋清潔鬼祟污糟位!

入行近 20 年的資深家務助理歡姐為大家分享幾個洗邋遢貼士。

準備功夫首先要穿上手套、圍裙、口罩同膠拖鞋。

漂白水可以倒到細樽中方便使用,但不要溝其他東西,以免發生化學反應。同時清潔電器時要確保電源關上,避免遇水發生意外。


1.浴室霉菌

要清除浴室牆角隙縫積聚的霉菌,原來用漂白水加厠紙就可除霉。


用廁紙或棉花鋪在發霉位置,再滲入漂白水。


靜置一陣,移走廁紙或棉花,就可見霉菌漬淡化不少。

最後用清水再抹,以免殘留漂白水破壞物件。



2.抽氣扇

拆除扇葉,清洗抽氣扇,用一般家居清潔劑就可以。但不要將清潔劑直接噴上抽氣扇,以免損壞機件。

把清潔劑先噴到布上再抹機身部份。

抹不到的隙縫位就可以用牙刷幫手。

軸心位噴上潤滑劑,防止生鏽。

扇葉可以用沾有清潔劑的百潔布去抹,之後裝返上機身就 ok。


3.抽油煙機隔油網

將隔油網拆下,放到垃圾袋中,再噴上清潔劑。


包好垃圾袋,讓隔油網浸在清潔劑至少半個鐘。

油垢被清潔劑浸哂出來。

將隔油網拎出來後,用清潔劑再抹洗,才可清理頑固油漬。

抽油煙機隙縫同樣用牙刷清理。



4. 清潔雪櫃

雪櫃可能係最易忽略清潔的電器,尤其雪櫃頂,一定要記得抹塵。

雪櫃門邊都會積聚污垢,我們可以用牙膏和牙刷清潔,再過水。

雪櫃門邊不要使用清潔劑,因為有可能破壞膠邊,造成雪櫃門閂唔實。



5.清洗洗衣機

洗衣機槽內其實積聚很多霉菌。

只要定期將漂白水倒進洗衣粉格,開機用浸洗功能,洗 15 分鐘。

洗完要用抹布抹乾膠邊。



6.抹窗

要扶實窗框慢慢打開,避免因年久失修跌到街外。

先檢查鉸位,噴上潤滑劑。

先用清水或清潔劑由上而下抹,若窗太高,要利用伸縮棍。

膠紙漬等用鏟鏟走。

最後用玻璃水再抹一次。

=======
同場加映:
【蝸居睇樓團】龍師傅話你知!2023兔年家居風水佈局!旺桃花、財運擺啲乜 ? 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓