網民哭訴:奶奶唔畀自己初一返娘家食飯 傳統習俗真係咁重要?係咪一定要遵守?

文: U Magazine
2023.01.20

新春佳節係普天同慶嘅日子,但奶奶同媳婦之間亦有可能因為新年而產生磨擦!最近有網民於香港討論區上發文哭訴,指奶奶要求自己喺嚟緊嘅初一要全日陪佢,唔畀自己夜晚返娘家食飯,就引來網民嘅熱烈討論:大年初一作為媳婦係咪唔應該返娘家?

奶奶唔畀媳婦初一返娘家食飯係唔合理?
樓主就哭訴奶奶同自己表示傳統新年習俗初一係唔可以返外家,並要求自己除咗日頭要去男家拜年外,連夜晚都唔可以返娘家食飯,要陪奶奶去打牌,因而就令樓主相當不滿並質疑呢啲傳統習俗嘅重要性:「日頭要同親戚拜年都算,夜晚都仲要跟埋奶奶去打牌,我地都結左(咗)婚啦,仲搞到我老公好似成個群(裙)腳仔咁,夜晚都係返媽咪屋企食餐飯,點解都唔比(畀)我地去,呢啲習俗真係咁重要咩?」

樓主指奶奶要求自己於年初一需一整天陪伴著她,不容許自己晚上回娘家吃飯,認為其做法並不合理。


奶奶嘅要求好正常?應該將就奶奶?
對於樓主奶奶嘅要求,有網民就認為根據傳統習俗的確會係咁,作為媳婦於初一係唔會返娘家:「習俗係外嫁女初一唔會返娘家」、「初一男家初二女家好正常」,有網民則建議樓主應將就奶奶:「老人(家)咪就吓佢囉,佢開心咪即係你開心」,而更有網民認為樓主連一日都冇辦法將就奶奶,樓主先係有問題嘅人:「初2唔可以返外家食咩?你話99(奶奶)守舊,你咪一樣固執老套。佢有習俗守,你唔洗(使)守都就唔到佢,我就真係唔明?年初一都唔比(畀)老公聽老母話一日,會唔會係你有問題,管得老公太過份自己唔覺?」

有網民認為按傳統習俗的話,作為媳婦於初一並不會返娘家,樓主奶奶的要求是正常。

亦有網民認為樓主應該將就奶奶,於初二才回娘家吃飯。


今時今日唔一定要跟?孝順自己父母更為重要?
不過亦有網民認為雖然按照傳統習俗會係咁做,但今時今日亦都未必一定要跟隨習俗做事:「以前的確係咁,但傳統既(嘅)野(嘢),保唔保持自己決定」、「以前D(啲)人係初一男家,初二返娘家。但依家好多人都無跟,夾啱時間一日走2場」,更有網民認為其實每個人都應以孝順自己父母為先:「無錯,以前係有咁既(嘅)思維和習俗,嫁雞隨雞,但現在時代唔同,都唔去拗傳統思想,總之有個好重要的考慮,就係人人都有阿媽生,人人理應照顧自己父母,既然係咁,自己父母自己睇,初一佢有佢父母,我有我父母,各自團聚,各盡孝道」,亦有網民建議樓主應與奶奶再商討以減少爭拗:「正常係咁但可以相(商)討,一日男家一日女家咁就少爭拗亦唔使走嚟走去」。

有網民認為現時未必一定要跟隨傳統習俗,有不少人都會於同一日拜訪男女雙方的親友。


有網民則認為孝順自己的父母更為重要,建議夫婦兩人可各自與家人團聚,各盡孝道。


text/Jonathan
photo/HKET圖片庫

 

========
同場加映:
【蝸居睇樓團】龍師傅話你知!2023兔年家居風水佈局 旺桃花、財運擺啲乜+雙春兼閏月宜婚嫁+股市投資邊類掂
 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓