大家認為而家最能夠代表中產最心儀嘅屋苑係邊個呢？有網民喺香港討論區發帖，問網民「柏傲莊算唔算係新一代中產既（嘅）天花板？」，雖然有支持者，但網民心目中嘅「中產天花板」卻另有其他屋苑，究竟閣下嘅心水中產屋苑又係邊個呢？
原來樓主認為大圍柏傲莊最出色嘅地方，係住客會所：「個會所靚到……靚過曬荃西啟德康城個堆，就算我係將軍澳fans都不得不承認，佢比將南新樓更型更chill」，有網民都同意：「佢係起得幾靚」、「會所靚，樓價計埋落去」，不過網民就覺得荃灣西係大圍嘅勁敵：「荃西是新一代中產社區」、「柏傲莊荃西新晉中產區」，有心水清網民就話柏傲莊同荃灣西各有強項：「計會所就裝靚過荃灣西，計景觀就荃灣西好啲，所以兩邊都係新界龍頭， 將軍x只能夠行埋一邊」。
網民認為柏傲莊嘅會所極出色，完勝荃灣西同將軍澳。
亦有網民作比較話雖然柏傲莊會所設計靚，但如果計景觀，都係荃灣西優勝啲。
日式庭園似記念花園 真中產點會需要住客會所？
不過有網民就唱反調，話柏傲莊係「偽中產樓市摸頂嘅天花板」，有網民直頭指出會所有大量缺點：「完全唔覺會所有幾豪有幾靚，搵班kol 係咁吹。三千伙羽毛球場得一個，籃球場得室外，我去街場打好過啦。室內兒童遊樂場都好細，冬天嘅話小朋友去郊外玩仲好，會所係夏天先最有用。宴會廳好睇唔好用，紅黑雨就水浸宴會廳。兒童農場仲好笑，種植最少都要兩個月，有排排隊。新世界用日式設計唔係中國人接受，好多野（嘢）睇落似啲紀念花園」，有網民更揶揄為：「沙田水魚巢穴」。
網民認為要sell會所設施多同近港鐵站嘅屋苑，其實目標顧客都唔係「真中產」：「中產應住港島半山，中產怎會去會所，去都去什麼什麼鄉村俱樂部、馬會之類，更加不用近車坫，因都是自駕；也不用近商場，因多去中環金鐘之類；所謂醫生律師住客，未聽過大醫生、名律師住荃西或沙田」。大家同意嗎？
柏傲莊雖然有日式庭園設計，但有網民唔欣賞，仲話有記念花園感覺。
有網民好心水清，話真中產閒暇係會去鄉村俱樂部同馬會消遣，唔係去屋苑住客會所。
網民認為其實真係「中產區」，應該係港島半山。
text/Joyce
photo/HKET圖片庫
========
同場加映：
【家居達人】10個快速乾衣貼士 提高抽濕機效能、晾衫小妙招
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【社群送禮】麒麟一番搾啤酒及禮品套裝！↓
↓麒麟一番搾啤酒杯／櫻花富士山杯／櫻花玻璃碟↓
