隱形戰隊|劉穎鏇貼身小背心上陣跣地肉搏拍足32次 操出女性極限體脂10%完美Body愈戰愈勇

文: 羅志宏
2023.03.09

現年25歲的女藝人劉穎鏇(Tiffany)在TVB新劇《隱形戰隊》將「完美Body」再度推向巔峰,被監製文偉鴻下令由「冇肉Pat」蛻變「蜜桃臀」,更操出女性極限體脂10%,愈戰愈勇。日前一集播出的跣地肉搏場面,劉穎鏇更以貼身小背心上陣,總共拍了32次才完成,相當考功夫。

劉穎鏇透露花了三個月撇脂Build肌,並感激林子善代為安排Gym Room及教練:「嗰時一個禮拜操五日,每次個半鐘左右,鍛鍊手臂、背、腿同Pat等唔同部位,再花半個至一個鐘跑跑步機。」她坦承為操出蜜桃臀花了不少時間:「我本身pat pat唔多肉地,要操大係難,所以要花特別多時間。」

劉穎鏇指即使未能抽空做gym,也會盡量跑步鍛鍊:「我喺劇入面係CTRU唯一一個女仔,我覺得身形唔可以輸蝕,所以我狂食雞胸同飲蛋白,多菜少飯,維持咗好耐。」Tiffany續指成功增加肌肉量後,才能應付拍攝日常:「因為我著嘅裝備同其他男仔一樣,有頭盔、腰帶再加埋支槍,成套嘢真係好重,依家冇乜點操未必拎到。」

飾演熱血正義新人邢風的劉穎鏇,除會大展身手,更不時以不同顏色的小背心上陣,相當搶眼,Tiffany笑言是監製主意:「主要係想展示我努力操嘅成果,露吓當時嘅手臂同膊頭,去配合角色硬朗性格。」

劉穎鏇登場形式相當具氣勢,邊奔跑邊拋掉外套的她,一個飛身雙膝貼地向前滑動的同時,一個箭步已將目標箍緊及制服,盡顯孔武有力一面;打得又睇的得Tiffany,更獲封為新一代「性感打女」。至於詩詠一招單腳企「拱橋」,亦是吸睛非常,兼盡顯驚人腰力。

不過原來一個簡單的「跣膝」動作,背後要付出大量努力,劉穎鏇大爆相關動作是臨時加插,並笑指當初對「跣膝」Mission充滿期待:「嗰場戲我哋拍到中午時已經非常熱,嗰日太陽好猛,而當我知道有呢個動作時,初頭係好興奮嘅,因為我以前打開波,有時都需要跣住去救波,呢個動作我都熟悉嘅,武指仲畀咗兩個Knee pad我添。」

劉穎鏇補充指整個動作難度不在「跣膝」,而是角度及各方面的配合:「嗰刻最難係點make sure每次停低都係停啱同一個位,同埋捉住佢(喪屍)又揈開佢個力度應該點掌握,嗰一下總共拍咗32 takes。」

 

圖片來源:TVB、劇集截圖

 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓