型男Catry 500呎獅子山靚景新屋實錄 網紅酒店雲石廁所、吧枱 揭3大怪則位

文: U Magazine
2023.03.14

2021年尾初訪Model Catry李創偉觀塘屋企後,想不到他短時間內就放盤並購入新單位,身為小粉絲當然把握機會再次採訪喇!今次《蝸居睇樓團》帶大家由全拆後廢墟狀況開始追蹤直至完工、入伙,讓大家全方位了解獨居型男的生活態度。

 
Catry憑着出演ViuTV戀愛真人show《阿女又戀嚟》時的貼地、幽默形象而獲得支持和人氣,並冠以「街市男神」稱號。


新屋一如以往都由Catry親自操刀,畫圖設計,最令人意外的是就算新舊屋同樣以黑、白、灰色調為主,呈現的感覺可以如此大不同。


未有改變顏色組合,卻比舊屋多了份成熟感,原因何在呢?Catry解釋「最大變化是用了灰色牆紙」,灰調自帶一種沉穩感覺,同時也令整個空間其他搶眼圖案變得和諧、融洽。

除了黑、白、灰顏色外,開放式廚房算是Catry另一個堅持。因空間更加實用,睇落更大!


廚房原是梗廚,清折間隔牆後才發現牆身有高低級,並非一整幅牆身,雖然和心目中藍圖有出入,幸好原先打算做廚櫃連嵌入式家電等,可利用廚櫃搵直牆身而修飾原則缺憾,唯一美中不足可能就是中間的儲物拉籃深度淺了些,Catry 無法盡情擺放零食。

雲石吧枱可謂客飯廳重點,有別於其他家庭一般選用的白、灰色調,Catry 反而揀了一款自帶些少黃色雲石紋,驟眼睇有點像五星級酒店的格局。


客廳儲物櫃都安排在腰線以下,盡量騰出上方空間,一來減少壓迫感,二來可以一入屋就望到露台對面的獅子山景。


露台改頭露面,但原來工程超簡單!保留了露台原裝結構,只在上面鋪上戶外木地板,和裝上戶外木吧枱。而吧枱邊緣特別圍上玻璃圍欄,既不怕掉東西落街,又不阻擋風景,兩全其美。


單位原是500呎2房間隔,由Catry自住所以將其中一間房改成衣帽間。


浴室是今次裝修一大亮點!


Catry笑說,再也不用去酒店Staycation!因為家中已經有打卡雲石洗手盤,算是將網紅酒店標誌式元素成功複製!


浴室其中一面牆用了型格、亮面紅色兼有不規則電鍍紋路的磚身鋪砌。
浴缸的搶眼牆身背後有段故,Catry有睇風水的習慣,風水師傅說浴室濕氣太重,會容易整親受傷,建議做紅色牆身化解。




主人房原則有個古怪窿,唔知當初發展商點解要在牆身和窗台之間留出一個「吉」位呢?


Catry 分別用地櫃和高身櫃修飾古怪則位,睇落合理得嚟又夠實用。


高身櫃修飾古怪則位亦擴闊了原來牆身,那就有足夠位置掛放電視機喇!


--------------------------------------
[info]
設計團隊:Design Workshop Interior Design House
聯絡電話:2768 8333

裝修支出表:
清拆工程 $48,000
泥水工程 $96,800
水電工程 $84,700
油漆工程 $72,800
傢俱及木器工程 $211,000
雜項工程 $110,000
——————————————
全單總數:$623,300


text/priscilla
Photo/him

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】日清盈優青汁套裝!↓

↓ 日本製造 / 2款口味:清爽蘋果味、濃厚白桃味!

↓ 日本製造 / 2款口味:清爽蘋果味、濃厚白桃味!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓