日本收納師教你點樣收納冷衫 邊啲要掛?邊啲要捲?點解用不織布袋比壓縮袋好?

文: U Magazine
2023.03.15

天氣愈嚟愈暖,代表就嚟又要收埋冬衣,攞返夏天出嚟換季喇!但對於冷衫,原來好多人對收納冷衫嘅方法都錯咗,究竟邊款冷衫,唔適合用嚟摺嘅呢?如果要掛,又應該用邊款衣架?而原來收藏冷衫,用不織布袋比壓縮袋更好,點解呢?不妨聽聽日本收納師道久禮子嘅心得啦!

粗冷冷衫要捲住放入櫃桶
對於粗冷冷衫,由於衫身太重,掛會容易變形,比較適宜用摺嘅方法收藏。

但絕對唔係咁樣對摺再對摺,因為會好容易有明顯嘅摺痕。

正確摺法係先摺起兩隻袖。

再對摺衫身。

最後將衫身捲起嚟,放入櫃桶收納。

幼冷冷衫掛法有技巧
至於幼冷冷衫,就適合用嚟掛,但掛法都有技巧。

將冷衫根據以下呢個摺法嚟掛,冷衫就唔易變形,亦唔會有摺痕。

防滑衣架減少冷衫膊位變形機會
對於掛冷衫,道久禮子建議大家要買呢類有防滑及防止衣物變形嘅衣架。

可以看到防滑及防止衣物變形衣架(右)同普通衣架(左)掛冷衫嘅分別。

懸掛型布衣籃較慳位
可能你會話:我屋企只有掛衣架,唔夠櫃桶放摺冷衫喎……

道久禮子就建議大家可以買呢類懸掛型布衣籃,就可以解決以上問題。

用不織布袋比壓縮袋收納衣物更好?
好多人都以為收納冷衫,用壓縮袋係最好嘅方法,點知道久禮子就話因為啲濕氣困住喺個袋入面, 更加有機會會有霉菌!

道久禮子就建議用布或不織布袋嚟收納更加好。

text/Joyce

============
同場加映:
【蝸居睇樓團】型男Catry 500呎 獅子山靚景新屋實錄 ! 網紅酒店雲石廁所+吧台
 

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓