網民熱議:裝花灑掛座但唔想上牆有咩辦法?淘寶買免打孔花灑架?用釘膠/玻璃膠將掛座黐上牆?

文: U Magazine
2023.03.25

市面上有唔少嘅花灑掛座都需要上牆作固定用,而有冇辦法可以唔破壞牆身嘅同時又可以穩固花灑掛座呢?最近有網民於Facebook嘅家居群組上出帖求助,問有冇一啲並唔需要鑽牆作固定嘅花灑掛座推介,就引來一眾網民紛紛推介唔需要鑽牆嘅花灑掛座產品以及免鑽牆固定花灑掛座方法!

網民推介:3M無痕花灑頭架、淘寶免打孔花灑座
帖主發文問網民有無免鑽牆嘅花灑掛座推介:「各位師兄,有冇好用5(唔)使鑽窿嘅花灑座介紹,最緊要唔好甩」,有網民就向帖主推介品牌3M嘅無痕花灑頭架:「我用3M花灑座,暫時兩年都冇跌過」、「3M、八十蚊個」,亦有網民推薦可於淘寶選購各款免打孔花灑架:「去淘寳(寶)淘隻免打孔花灑座一定實」、「淘寶個(嗰)d(啲)都好實,冇甩過」、「淘(寶),用緊五年,想除番(返)出黎(嚟)都難,hkd100左右,痴(黐)上去實到呀媽都唔認得,真心,仲要個勾係磁力,鍾意高低隨便改,全家隨手改,仲可以上下角度,真係抵到不得了」。

對於不用上牆的花灑掛座產品,有網民推介品牌3M的無痕花灑頭架,指使用的兩年期間都保持穩固。


亦有網民推介淘寶上的各款免打孔花灑座,並指使用效果非常穩固,更可隨意調校高低及角度。


用釘膠/玻璃膠黐牆上?固定喺亞加力膠板上?
而有網民就推薦一種免鑽牆固定花灑掛座嘅方法,指可用上釘膠或玻璃膠將普通嘅花灑掛座黐上牆:「自己買個花灑座落釘膠咯」、「我將普通花灑支架用玻璃膠黐上牆,用了二十年都未脫落」、「我用玻璃膠黐咗5年都仲未甩」,更有網民指可用上亞加力膠板將花灑座固定後再黐於牆上:「如果唔想用淘寶,可以試下(吓)買一塊亞加叻(力)板(大約4吋x4-6吋),將花灑座用螺絲收緊於膠板上(記住要先鑽合適的孔才收螺絲)。然後再用玻璃膠塗上膠板背,黏上牆上,再封膠板邊防入水,這應該可掛很重重」,不過亦有網民指釘膠屬水溶性,不建議用於會沾到水嘅地方:「釘膠是水溶性,不宜使用在有水的地方」。

有網民指將普通的花灑掛座用釘膠或玻璃膠固定於牆上,亦會十分穩固。


有網民則指可用上亞加力膠板,將花灑掛座固定,並再用玻璃膠將其裝於牆上。 

唔上牆隨時會跌落嚟導致浴缸崩裂?
不過有網民就擔心免鑽牆花灑掛座嘅安全,擔心掛座不穩的話有可能會令浴缸崩裂:「跌落嚟,可能會掟(撞)崩個浴缸啊!」,更有網民回應指自己使用免鑽牆花灑掛座曾發生意外,導致要更換整個浴缸,建議花灑掛座應上牆:「冇錯,我以前舊屋就是,最後成個浴缸要換咗佢,除非係租,如果唔係一定鑽落牆身」。

有網民分享使用免上牆花灑掛座而發生意外的經驗,指當時因安裝不穩,最後導致浴缸崩裂,建議花灑掛座應上牆會較為穩妥。


text/Jonathan
photo/HKET圖片庫、3M

 

========
同場加映:
【蝸居睇樓團】鴨脷洲37年舊樓變身玩味彩色屋+西班牙風花磚襯湖水綠色、chill爆全白天台

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓