港男堅決成世人所有決定「只向錢看」 人生選擇只為賺錢！有錢途VS可悲？超慳家生活引熱議

日前有網友在LIHKG以「永遠只為『賺多D錢』而做各種人生選擇，是否可悲？」為題發帖，他表示自己有一個極度沉悶的朋友，不單止沒有工餘興趣，而且大學選科只會選「有錢途」的科目，每當公司有加班費都會義不容辭加班，如果公眾假期頂有補貼，他也會願意替同事頂更。

點擊圖片放大

樓主這位朋友不單止嫌浪費時間和金錢而不拍拖，在購物消費方面更是慳得就慳，無論是買手錶還是玩具都不會依個人喜好，而是先考慮是否「保值款」，或是「有無二手市場第時玩厭可以賣得出」。平日裡，他只會盡量購買質素好的二手產品（如家具、電器等），如果沒有二手的話就會「諗好耐先買」，有免費版的娛樂就一定不會付錢訂閱，看新聞只看財經版，而且會「盡擸」各種信用卡、銀行優惠。

其後樓主更在帖文中留言，指朋友曾表示如果自己是「富二代」，「如果有爸爸無限金錢既話佢會過正常生活」，相信人生會比現在開心多。這些種種跡象都令他相信，朋友並非真心喜歡這種生活方式，並詢問其他網民「咁既人生，係咪可悲？」

帖文在網絡上引起熱議，有網民認為樓主朋友的人生非常可悲，「唯有食貴野唔好預佢 佢自己冇bad feeling」、「現實就係佢生活背景已經影響咗佢價值觀，依家佢搵多搵少都係鍾意安全感多過洗大錢享樂」、「浪費了青春 年青人應該做年青人做既野」。

亦有網民表示樓主朋友的生活方式並無問題，認為每個人都有自己的興趣和追求，「錢就係佢嘅興趣」、「咁都算搵到佢人生嘅意義」、「好多人搵錢儲錢只係因為鍾意錢，見到自己戶口越嚟越多錢覺得有成就感開心」、「好多野用金錢衡量唔到」。

來源：TVB劇集截圖、LIHKG

►同場加映：【衝出嚟玩】超簡易2小時港島東歌連臣角砵甸乍山郊遊徑路線！從筲箕灣站出發、到終點觀海亭睇海岸靚景